一期一會· 尋味 (已結業)

Throwback 一下去年帮衬嘅观塘一期一会 • 寻味，因为店名实在太配合今日嘅心情。说了再见，是否真的可再见？呢间店以外卖为主，第一次帮衬，想拣和风酱油牛肉定食，问店员佢哋用咩牛？哥哥二话不说，走入厨房拮咗嚿出嚟畀我试，我觉得牛味够浓，即刻扑锤。定食嘅饭好多，上面铺咗饭素，有诚意；牛肉头先试过，牛味几浓；酱汁入面有洋葱，甜甜哋，除咗酱油味之外，仲有浓浓嘅酒香，同牛肉味几夹，好食。味噌汤虽然系冲包，但质素比想像中高，唔错。意犹未尽，食埋甜品，叫咗件朱古力辣椒蛋糕，呢个真系有惊喜：朱古力味浓而不甜，上面铺咗辣椒细丝，令蛋糕嘅味道更 subtle 更有趣。