傳承清湯腩專家

营业中

休息中

本身都钟意食清汤腩，经过见到呢间好似新开未试过，当然要入黎试下。时间系星期日下午6点左右，一入餐厅店员就话餐牌头3样已经卖晒，如果想食崩沙腩、爽腩、牛筋既朋友就，就要注意下喇。餐牌上有样野令我好惊讶，就系有牛鞭食，我朋友仔仲话下次要试下。清汤坑腩河 (加牛丸)坑腩肉质好稔，咬落仲有好香油脂香味渗出黎，夹杂香浓既牛味，非常唔错，值得推介。而另外加配既牛丸亦好弹牙有牛味。清汤牛腩河牛腩相对比坑腩冇咁出色，肉质都好稔，但就小咗果阵油脂香，牛味就比较重，但都好食唔错。总结：绝对会再帮衬。