串燒堂 (已結業)

今日去坚尼地城帮衬左间串烧小店。虽然未够七点，但店舖已经七八成满。食物价钱平，款式都几多。呢度用QR Code 落单非常方便。花甲粉辣辣地好开胃。花甲份量多，一碗差唔多有廿只好抵食，花甲处理得好好，鲜甜而且一粒沙都食唔到。粉丝吸收哂花甲鲜味，非常好食。原条烧茄子上枱非常震撼。上面一大咋孜然蒜蓉酱好惹味。烧惹味小馒头呢个又系必食之选。馒头外皮好脆，甜甜地。食完咸食，再食呢个中和返。烧五花腩同烧香卜卜鱼腐皮绝对系串烧之霸。呢两款食物烧完之后外皮都系脆卜卜。五花腩嘅油脂香同鱼腐皮既甜甜酱。越食越停唔到口。款式多到不能尽录。