河內大娘越南餐廳 (已結業)

知道尖沙咀漆咸道南有间食正宗越南粉好出名叫河内大娘，今日就走去试下。今次点咗芒果鲜虾米纸卷、奥巴马粉、顺化粉、莲子龙眼冰及三色冰。芒果鲜虾米纸卷入面嘅芒果大粒而且好甜，鲜虾又大只再加上入面嘅檬粉，点埋越式酸辣酱简直系一个完美嘅配搭，每一啖都带出唔同嘅鲜味。奥巴马粉入面有烧猪肉、札肉及捞檬粉，烧猪肉用越式方法烹煮好惹味，檬粉及扎肉点特制嘅酱汁食又系好有越南风味。顺化粉入面有猪红、猪手、牛展同埋扎肉，每一样材料都炆得入晒味，而且汤底有少少微辣，绝对系开胃之选。莲子龙眼冰及三色冰就系传统越南饮品，既清凉又解渴，食越南嘢衬2杯越式饮品啱晒。