Red Mango (已結業)

我第一次光顾Red Mango系去荃湾悦来坊既分店，未试过素食既自助餐，觉得好有新鲜感。果度既食物款式转得好快好新鲜，乳酪亦好好味道，所以心都谂住下次要黎再食过。今次我就同屋企人去左九龙城广场既分店，黎到门口人影都无只，职员仲多过客人，但见一场黎到，都系想试下。摆低随身物品就出去拎食物，出到去款式唔多，最过分既系我拎返黎既印度烤饼、炒四季豆、烤羊肉串等等，全部都系又干又硬又冻，唔知摆左几耐！屋企人已经再无意欲出去拎第二转食物，不过俾左钱，就尽管试食仅有既食物。但系入唔到口。最期待既已经得返沙律同乳酪，我欣赏餐厅做出自家制既酱汁，但奈何唔岩口味。到食乳酪既时候，我仲未用心品尝既时候已经食到里面有一粒粒凝固既奶，要自己咬开，质感完全唔细滑，连最期待既，都变为失望....只可以话，我真系唔会再食多一次，我3个人食，600蚊，我出去其他素食餐厅已经可以食到好饱好满足，呢度既质素劣到差啲想叫你地回水。唔知道系咩原因，荃湾同九龙城既质素系可以差咁远，建议想试既，都系去荃湾分店。