滑嘟嘟

营业中

休息中

今日入嚟大埔除咗饮茶之外，其中最主要嘅一个目的就系黎滑嘟嘟，喺我心目中佢嘅客家糍粑绝对称得上大埔名物必买手信之一。如果唔系因为住得远嘅关系，我真系每个礼拜买一次都可以嘅。饮咗茶行过嚟大概十一点四十五分，坐喺度等一阵大概十二点正准时开门，一到十二点就见到姐姐喺度开始整客家糍粑，见佢搓糍粑嘅时候已经感觉到𠮶种软熟，毫不犹豫买咗两盒(六粒)。我喜爱佢个花生芝麻馅唔会太甜，食落去好纯天然，而且一粒粒好有口感。由于个人喜好嘅关系，特别叫咗两粒系冇馅嘅，因为佢个皮实在非常之软熟，纵然冇馅料喺入面都好好食，绝对系值得一试~