K2 Kitchen (已結業)

因为铺租贵，所以好多餐厅都会拣系工厦，而且呢d餐厅质素系有保证嫁，如果唔系有口碑同质素都好少人会专程去食。今次都系朋友推荐呢间K2 Kitchen ，所以特登去试下。系观塘地铁站B出口行过去8分钟内到，如果系apm行过去仲方便。环境好舒服，每张枱有一定距离，楼底又够高，好岩倾计。我地拣左一个set dinner 同单点一份扒转餐。烤菠萝西班牙辣风肠沙律伴意大利黑醋👍🏻👍🏻👍🏻👍🏻👍🏻好食够新鲜同好开胃带子海胆汤👍🏻👍🏻👍🏻👍🏻👍🏻👍🏻又系超好饮，好软好绵，系我饮过西汤既Top 3。Set dinner叫左烤鹿儿岛黑豚猪鞍伴枫糖芥末籽，青苹果茸。好厚既肉，我心谂应该好鞋好老啦。但肉质其实系好滑好淋，真心好食，同劲大块。👍🏻👍🏻👍🏻👍🏻另外叫左厚切美国黑安格斯肉眼加钱转做set。又系好大块，叫左七成熟，煎得岩岩好。👍🏻👍🏻👍🏻好味到都唔知点讲好，总之就值啦！甜品系朱古力慕丝，好充料，绝对唔系中间加一层海绵蛋糕甘。真系好浓朱古力味，份量岩岩好，唔会好流。总结：呢间餐厅食物质素真系好高，而且好细心做伴碟，视觉同味觉都照顾到。而且呢到服务好贴心，系甘加水同好有礼貌，值得推荐！👍🏻👍🏻👍🏻👍🏻