宏 (已結業)

日本野真系食上瘾。系红磡收工，就去左新开呢间宏食高质乌冬。原来出左新野，见到鳗鱼口水即刻流出黎，咁啱呢个套餐又可以食到乌冬。即刻叫左呢个黎试下。纯日本白鳗鱼，而且冇蒲烧鳗鱼汁，真系第一次食。食左一啖原味，今日真正品尝到鳗鱼既原味。呢个白鳗鱼唔会腥，反而好鲜甜。有4种酱汁配合埋鳗鱼。可以食到好多款。鳗鱼加少少盐，味道特别甜。如果加左柚子汁，酸酸甜甜更加带出鳗鱼既鲜味。真系好好食。想食蒲烧鳗鱼就点下蒲烧汁，好正。食到好多种味道。配埋个珍珠米饭，无敌！终于又可以食到海藻乌冬。呢个乌冬真系整得好好，质感滑，又弹牙。有少少既海藻味，加埋鱼汤，清清地，但好甜好香。看似简单，但味道高质，好值得试。食完仲有蛋卷食。拣左香草味蛋卷。蛋卷整得质感幼，滑。忌廉香，唔漏。好用心既蛋卷。饮埋斯里兰卡红茶，好香，有阵清香既士多啤梨味，高质既茶。