The Mafe Cafe (已結業)

行完家乐坊H&M，抽住d野唔想行就就去左近近地既The Mafe Cafe！一入去巳经坐无虚席，好在皇天不负有心人，原来佢有两个Area，即刻坐低，坐得舒服，环境大多采用自然光，而且冷气充足好重要！Board Game柜好整齐，而且都新净多款～枱头有个点菜、结帐钟，方便请店员落单，唔算太肚饿就Order左忌廉烟三文鱼配天使面，蒜香鸡翼同烟三文鱼牛角酥！饮品就叫左杯好特别既「塔罗特饮 - 节制」同蓝莓乳酪～忌廉烟三文鱼天使面：忌廉超多，要知道意粉如果唔够酱系会干争争，难入口...但呢个系多酱得黎味道系香浓，忌廉细腻，而且卖相亦有心思，烟三文鱼卷成花形放面，真正睇得又食得～烟三文鱼牛角酥：一份有两个小牛角酥，牛角酥放左一阵都仲松脆，夹住既烟三文鱼都大块同烟熏味道都浓～蒜香鸡翼：必点小食，炸得好靓，外皮炸到脆，热辣辣上枱，一咬有少少油，唔会太干，味道入味，洒埋蒜蓉粒系面，小食之冠！饮品选择多，塔罗特饮系列杯杯都好靓，拌匀饮岩岩好，唔会太甜！