影片
更多
2017-12-21
178 浏览
我地一行三个女仔七点半左右去到，由四人枱被转左张二人细台同睇完menu后大概七点九/十，谂住落order啦，挥左五六次手，每次有员工望倒应完“系”、“黎紧”，或者示意知道，但最后都冇人黎落order...完全当我地透明......到八点左右终于成功落order(巴马火腿凯撒沙津，双层牛堡，fish & chips同墨汁海鲜意粉，全部转套餐)，于是我地三个女人一个墟，倾倾倾，冇留意等左几耐，只系留意倒其他枱枱迟过我地入座嘅都已经上哂菜，我地就倾到口都干但连水一杯都冇。于是就睇下时间，原来已经八点九，但店面员工潜哂水(可能佢地以为送哂餐？？)，等左五分钟(即八点五十分)先有员工蒲头......于是我地又挥手，先前帮我地落order个员工远处见倒我地挥手已经即刻缩一缩，我地大嗌话等左成粒钟都冇影，佢话即刻跟跟。入完厨房出返黎，个员工就死死气say住sorry咁同我地讲厨房冇整到(真系厨房漏单定佢冇落单我地有怀疑)，叫我地再落一次order。我地再落完一次(已再三同佢讲要跟餐，餐饮之后再嗌)就问咁几时有得食？佢话一个字倒。我地即刻串佢话一个字整倒既野要等成粒钟？？？佢又say sorry。五分
到八点左右终于成功落order(巴马火腿凯撒沙津，双层牛堡，fish & chips同墨汁海鲜意粉，全部转套餐)，于是我地三个女人一个墟，倾倾倾，冇留意等左几耐，只系留意倒其他枱枱迟过我地入座嘅都已经上哂菜，我地就倾到口都干但连水一杯都冇。于是就睇下时间，原来已经八点九，但店面员工潜哂水(可能佢地以为送哂餐？？)，等左五分钟(即八点五十分)先有员工蒲头......
于是我地又挥手，先前帮我地落order个员工远处见倒我地挥手已经即刻缩一缩，我地大嗌话等左成粒钟都冇影，佢话即刻跟跟。入完厨房出返黎，个员工就死死气say住sorry咁同我地讲厨房冇整到(真系厨房漏单定佢冇落单我地有怀疑)，叫我地再落一次order。我地再落完一次(已再三同佢讲要跟餐，餐饮之后再嗌)就问咁几时有得食？佢话一个字倒。我地即刻串佢话一个字整倒既野要等成粒钟？？？佢又say sorry。
五分钟后(其实已经系九点)真系上左个双层牛堡，我地三个饿鬼即刻开餐，冇影到相，食落温度微凉，味道正正常常，配料颇多，而个汉堡个主角汉堡牛虽然厚身但细块(其实成个汉堡都系高身但圆周细)。
之后上埋个巴马火腿凯撒沙津(算喇已经唔想深究佢嘅上菜次序乱哂龙)。说好的巴马火腿花花呢(见menu图)？？条巴马火腿只系一pat 野咁放喺沙律上面，毫无卖相可言。菜多得很，基本上成碟都系菜同沙律酱+芝士，瓜同蕃茄仔只有一两片，几乎揾唔倒(但menu图嘅比例差好远)喺menu排第二嘅配料“烟肉”，更加系影都冇。味道就系普通沙律菜+沙律酱+芝士嘅味，冇咩特别，所以都唔太受我地欢迎，食到尾声为左唔哂野先清左呢碟。
Fish & Chips
9 浏览
1 赞好
0 留言
之后黎个fish & chips。切左少少黎食，鱼系热辣辣嘅，肉质几滑，系是晚最好食嘅主菜。食左两啖鱼，就黎左墨汁海鲜意粉。当时张二人枱已经冇哂位，个员工要移走哂餐具同menu先够摆。但奇怪系佢又唔收走中间双层牛堡只碟，搞到摆侧边嘅碟都危危乎，意外就咁发生！！我谂住切多一块鱼，但只手唔小心hi倒装茄汁嘅小兜仔，兜茄汁跌左落地。我地同员工讲发生左倒泻茄汁意外，同埋想要返兜茄汁点薯条。但薯条食到尾声(得返三四条)，仍然冇人拎返兜茄汁比我地，亦冇人处理地上嘅茄汁同兜(我地走时都未有人处理)，于是我地再叫员工拎茄汁比我地，同收走只牛堡嘅空碟。
墨汁海鲜意粉
8 浏览
0 赞好
0 留言
收走空碟后，终于可以松动d，夹倒墨汁海鲜意粉。可能因为摆左阵先食(其实都系10至15分钟)，个意粉完全系冻嘅，更可怕嘅系，铺喺面嘅软壳蟹除左d脚系可入口(仲有少少脆口)，蟹身系唔单只冻，仲系又淋(似炸完摊左好耐搞到淋哂)又腥臭，极之唔新鲜。虽然软壳蟹好多餐厅都系整得唔好食(一早整定淋哂)，但有腥臭味真系从未试过！！我摆完入口，即刻作呕lur返哂出黎！！之后冇人掂过个蟹身，只食意粉同其他料。但唔好以为仲有好多其他海鲜，其实只有两个墨鱼圈(图中两个)同两粒虾仁，真系要多粒想三人平均分都冇。
呢个时侯，我地亦发现未上跟餐嘅薯条(burger跟餐有薯条)，野饮亦未落。我地就埋单睇下系咪真系又漏单，点知真系冇帮我地落三个主菜都跟餐，despite我地再三提醒。
食物质素参差令人失望；服务质素低处未算低更令人绝望！！我人生真系未试过喺食非放题类都可以反覆漏单，一句讲哂：冇下次！
张贴
