影片
更多
2024-01-03
2228 浏览
好一段时间无过嚟土瓜湾，感觉又有啲唔同，今晚同老婆嚟到土瓜湾「北帝街 」揾食，其实就喺提早食小弟餐生日饭，呢条可以讲喺新兴嘅食街，沿途好多有心嘅小店，最后拣咗近「宋皇台」嘅「HeySoNuts」，主要风评不俗，有靓咖啡饮啱我，有梳乎厘班戟就啱佢。俗语话有麝自然香，有质素嘅餐厅自不然有客路，今晚嚟到确喺有几多人，全场爆满。一室长形，铺位入到好深，装修带点工业风，配以昏暗而柔和灯光，确喺几有气氛；而近门口有啲吧枱位，可以睇到铺外街景。此外，最特别，又吸晴喺餐枱面嘅花砖，好有啲葡国风嘅设计。而店员睇起嚟都好后生，好好招呼，又有礼貌。餐牌得好精美，黑底白字，加上啲食物相。咁作为咖啡店，咖啡梗喺主打啦，一起首就介绍饮品先，除多款意式咖啡之外，就仲有多款咖啡特饮、精品咖啡、热果干茶、手摇冰茶、果汁及其他饮品。 再加多一张额外饮品餐牌：啤酒、鸡尾酒、餐酒。食物方面，类别就分为沙律、主菜、嘻苏甩精选、汤品、意大利面、意大利饭、汉堡……等等。配搭都几新派、几有创意，所以，都话依家唔好睇少啲咖啡店，供应嘅食物非常之多元化。 甜品款式亦好有惊喜，因为款式以咖啡店以言，的确真喺多，包括梳乎厘班戟、窝夫、法式千
俗语话有麝自然香，有质素嘅餐厅自不然有客路，今晚嚟到确喺有几多人，全场爆满。一室长形，铺位入到好深，装修带点工业风，配以昏暗而柔和灯光，确喺几有气氛；而近门口有啲吧枱位，可以睇到铺外街景。
此外，最特别，又吸晴喺餐枱面嘅花砖，好有啲葡国风嘅设计。而店员睇起嚟都好后生，好好招呼，又有礼貌。
餐牌得好精美，黑底白字，加上啲食物相。咁作为咖啡店，咖啡梗喺主打啦，一起首就介绍饮品先，除多款意式咖啡之外，就仲有多款咖啡特饮、精品咖啡、热果干茶、手摇冰茶、果汁及其他饮品。 再加多一张额外饮品餐牌：啤酒、鸡尾酒、餐酒。
食物方面，类别就分为沙律、主菜、嘻苏甩精选、汤品、意大利面、意大利饭、汉堡……等等。配搭都几新派、几有创意，所以，都话依家唔好睇少啲咖啡店，供应嘅食物非常之多元化。
甜品款式亦好有惊喜，因为款式以咖啡店以言，的确真喺多，包括梳乎厘班戟、窝夫、法式千层酥及几款特色甜点。
揭到主餐牌最尾，原来餐厅仲有做到会套餐服务，分咗6-8、10-12、20人以上，啱晒搞派对时之用。
焦糖鲜奶咖啡 $44唔使讲，嚟到咖啡店就梗喺拣饮鲜奶咖啡啦，今次拣杯焦糖口味。个拉花非常之靓，心形图案拉到好多层，线纹极为细致，又好对称，卖相就无乜挑剔位喇，而咖啡味道醇和，有果仁香气，再渗出阵阵焦糖香味，完全无搅过，饮落每一口都好均匀，冲泡手势一流。
焦糖鲜奶咖啡
$44
29 浏览
0 赞好
0 留言
老婆本身几钟意饮啲浓厚嘅朱古力，晌茶记佢就有时会点唂咕（同朱古力唔同架），所以，晌餐牌见到呢一款既有70%，又用上比利时朱古力，自然要试试。入口果然朱古力味香醇浓厚，而且，口感好细滑，只恨份量偏少唔够喉，哈哈！
70%比利时鲜奶朱古力
$46
5 浏览
0 赞好
0 留言
马来西亚嘅喇沙不时都有食，小弟本身都几钟意，所以，睇见呢款扁意粉，就已经觉得好对胃口。成品嚟到，外观睇落好对办，海鲜有鲜虾、鱿鱼、大蚬，再伴啲秋葵，啲海鲜食得出喺新鲜货，够晒鲜甜；扁意粉煮得够咬口，咬落有韧劲，挂满喇沙汁，惹味又带有微辣，汁量又啱啱好，唔会太少，亦唔会过量。
自家制喇沙汁海鲜扁意粉
$138
32 浏览
0 赞好
0 留言
手打鸡肉虾堡汉堡 $138难得见有款素汉堡，本打算嗌俾老婆食，点知佢就拣咗另一款，就喺「手打鸡肉虾」，咁咩汉堡我都OK嘅。将汉堡切开，就睇到厚厚嘅手打鸡肉虾，再夹有生菜、蕃茄、青瓜。先讲个包身，烘得外脆内软，件鸡肉虾食落几有弹牙感，外层酥脆，加上自家制嘅酱汁，醒胃而渗出阵阵辣劲。伴以大量炸脆条，香脆可口唔油，整体嚟讲几唔错。
开心果茉莉花酱日式梳乎厘班戟 $104我哋就拣咗其中一款新品梳乎厘班戟作为饭后甜点，开心果喺老婆好喜欢作为零食类嘅果仁，所以，对个梳乎厘班戟好有期待。嚟到个班戟真喺震腾腾咁，淋满晒开心果酱，洒咗唔少开心果碎碎，再伴以士多啤梨粒，卖相吸晴。啲梳乎厘班戟做得好软绵绵，空气感强，微微湿润，极有蛋香，衬上开心果酱的确好味，不过，我哋大家异口同声均觉得茉莉花味就比较隐若啲。
开心果茉莉花酱日式梳乎厘班戟
$104
21 浏览
0 赞好
0 留言
食完之后就明白点解间餐厅咁旺，唔止食品质素高，而且服务又好，环境又好有风格，坐得舒适，真喺值得支持嘅小店，翻兜率极高嘅餐厅。
张贴
