影片
更多
2016-08-20
907 浏览
如果七月一定要破地狱的话，今日相信已经破了。今日学完日文十级肚饿，一落堂就快步揾好西，今次唔想帮趁连锁店，想支持下小店，特登去旺角内街既小店，寻寻觅觅，揾到间平靓正（我以为）既日式铁板专门店，咁我紧系睇下有冇人先啦，起码中伏都唔会死得太肉酸。睇到都坐左一半人谂住冇死啦，隔离几间人都冇个系入面，隔住道门望著有即炒铁板烧，哗！正！幻想住一开门会迎来氛香扑鼻既牛肉香，口水都快流出黎，谁知，一开门迎来的唔系食物既味道而系霉味，系霉味，系霉味！！.........太可怕要讲一千次！先讲价钱，除左个特别晚餐同个别小菜价钱正常外，其他套餐根本就系酒店既价钱可惜佢不但冇酒店既环璄，除左发霉既味道仲有千年尘痴住部冷气，四周残残旧旧，厨房（唔系铁板个边）污污糟糟，半场客，两个侍应行行企企但就食饭两尾，张单全漏，我谂因为我叫特价晚餐所以特价服务，两个字形容厘间餐，就系垃圾。个主菜同炒饭味道系叫正常，但绝唔称得上好食，水准系冇，冇heart垃圾言归正传，当时虽然内心既恐惧又害怕，但见到既然咁多人就系谂，一定系禾秆冚珍珠，要比机会佢既。咁我坐底好快就叫左两个一人晚餐$88唔好讲笑，其他餐我真系食唔起，郁下话70
今日学完日文十级肚饿，一落堂就快步揾好西，今次唔想帮趁连锁店，想支持下小店，特登去旺角内街既小店，寻寻觅觅，揾到间平靓正（我以为）既日式铁板专门店，咁我紧系睇下有冇人先啦，起码中伏都唔会死得太肉酸。睇到都坐左一半人谂住冇死啦，隔离几间人都冇个系入面，隔住道门望著有即炒铁板烧，哗！正！幻想住一开门会迎来氛香扑鼻既牛肉香，口水都快流出黎，谁知，一开门迎来的唔系食物既味道而系霉味，系霉味，系霉味！！.........太可怕要讲一千次！
先讲价钱，除左个特别晚餐同个别小菜价钱正常外，其他套餐根本就系酒店既价钱
可惜佢不但冇酒店既环璄，除左发霉既味道仲有千年尘痴住部冷气，四周残残旧旧，厨房（唔系铁板个边）污污糟糟，半场客，两个侍应行行企企但就食饭两尾，张单全漏，我谂因为我叫特价晚餐所以特价服务，两个字形容厘间餐，就系垃圾。个主菜同炒饭味道系叫正常，但绝唔称得上好食，水准系冇，冇heart垃圾
言归正传，
当时虽然内心既恐惧又害怕，但见到既然咁多人就系谂，一定系禾秆冚珍珠，要比机会佢既。
咁我坐底好快就叫左两个一人晚餐$88
唔好讲笑，其他餐我真系食唔起，郁下话700-800，几千一个餐都有，哗！玩咁大，唔好食都唔会渣啦！只可以话我真系太天真太傻！
等左阵，先黎个野菜沙律，放底个下呆左，唔系话要你比咩贵沙律菜，生菜又好青瓜丝沙律都冇问题，大佬你个生菜沙律啲菜发黄，就标水咁样，你放门口唔驶钱都唔食啦，平日做厨余架！你侮辱我唔紧要，你身为厨师，咁样唔尊重你既专业我真系好痛心！
算！！我轻轻有礼貌咁食左几粒粟米就冇再掂！个侍应收碟亦冇问有咩问题，即系正常！
跟住既就系一场漫长既等待，我饥肠辘辘，饿到金精火眼，望穿秋水，隔离枱食贵野既都陆续上菜，说好的刺身，柠茶，炒杂菜.......通通不见踪影......
一次又一次我按下即刻比钱走人既冲动，不停同自己讲，食埋个主菜先至算，等左半个钟终于黎左个铁板配菜-烧茄子同带内脏带子仲见到屎既，茄子正常既，个带子我小心翼翼肢解左佢食，系入得口但系un既，跟住又等左阵黎埋个主菜！
我x!!见到个薄牛..........顶你系四片佳宝肥牛，你老尾！！！！ 我饿到仆街你比四片肥牛我（两个餐加埋四片），然后旁边系一堆充饥炒杂菜！味道正常！
食完当然唔饱，跟住迎接我既仍然既无尽等待！
终于黄金炒饭黎左，填饱个肚
面豉汤，柠茶，刺身仍不见踪影！忍唔住催促一下，侍应有礼貌讲左唔好意思，等左阵黎左一碟厨余三文鱼，实左分唔到一片片，上面仲有点点黑色！
我真系崩溃了！！立刻起身走人埋单
甜品，面鼓汤，柠茶依然冇黎
个叻叻侍应仲收我205蚊，而且一句都冇问食物有乜问题，同食物未齐等，佢嘴上依然礼貌，厘一刻，我觉得佢有礼既对答仲难听过粗口，我真系忍唔住就问88x2点解205，佢话要加一（你老尾冇服务仲要加一）仲有绿茶同酱要每位收$5，哗！你以为你系酒楼呀！要收茶芥！
我忍住怒火比钱，出门口真系忍唔住要影低相，以免有人中伏，苦！我一个人受好了，唔希望仲有人受害！
张贴
