貓山皇 (已結業)

想黎好耐, 因为超级钟意食榴梿, 所以呢晚同朋友食完饭就黎呢度食甜品。去到拎飞, 已经有好多人等紧, 大约等左廿分钟倒, 终于到我地, 当时又嘈所以唔系第一时间听到佢叫我地张飞, 个店员就好冇礼貌咁话叫左我地咁多次都听唔到; 入到去坐低, D位好窄, 地方又细, 最远果张枱都只系离counter 10呎倒, 但要每一个食客出去点野食, 我都觉得好出奇, 咁都唔紧要啦, 但叫紧野食果阵, 店员d态度又系其差, 好似好唔耐烦咁。到最后我叫左个外卖走, 佢净系比左个纸袋我, 咁问佢拎个胶袋仔比我抽住, 系个男店员拎比我, 仲要系极之唔情愿果只, 仲讲左句野暗示我要快d走, 但我仲有朋友系未食完, 激气!总括黎讲, 我觉得全程都食得唔系咁开心d甜品系几好食, 不过相比价钱就唔系咁抵食, 其实价钱都算, 最大问题系店员令我地感觉好差, 好冇礼貌, 完全唔忧做咁0既心态, 咁样好难令人有下次会再去。