影片
更多
2023-03-08
457 浏览
一间我想试好耐嘅越式餐厅，见人影相出嚟啲灯笼好靓🏮同埋佢个招牌斑斓布甸法包超吸引❕估唔到原来佢仲有好多其他嘢食，应该系我暂时见过最多种类款式嘅越南餐厅🙈全部都想试，但又惊眼阔肚窄咁就试试佢啲热门推介啦！▶️ 黄姜鸡胸茴香叶捞檬 ($119)平时嘅鸡丝捞檬就食得多，今次叫呢个几有惊喜唔系用一般嘅捞檬酸甜酱汁，而系黄姜 (tumeric)酱汁💛，食到香浓嘅椰奶味，其实就类似葡汁，甜甜地咁好特别捞檬底份量好多，檬粉系佢哋自家制嘅，面质偏幼身同黏，一开始成旧(可能因为冻食？)，捞埋酱就松散返🙈🥢口感不至于好烟韧有啲易断，胜在非常非常索汁，味道浓郁鸡胸肉好足料好大件🐔起码有8-9件，好似海南鸡饭啲饭咁黄😂 全部俾黄姜粉腌到非常入味虽然啖啖肉，但系用鸡胸嘅「代价」就系肉质相对干同鞋另外仲有切碎成丝嘅生菜、腌白萝卜、红萝卜，味道酸甜🥬如果份量多啲会更好，层次口感丰富啲🥜最后当然唔少得大量花生碎、干葱同薄荷叶做点缀，花生碎好香脆，味道亦十分特出整体酱汁调味够特别，但檬粉同鸡肉质感未必称得上最好食🙈一个人食成碗都饱饱哋🤰🏻(不过有留肚食甜品keke)▶️ 三色椒柠檬叶金菇焗鲜蚝 ($168）一份有四只，鲜蚝
同埋佢个招牌斑斓布甸法包超吸引❕
估唔到原来佢仲有好多其他嘢食，应该系我暂时见过最多种类款式嘅越南餐厅🙈全部都想试，但又惊眼阔肚窄
咁就试试佢啲热门推介啦！
▶️ 黄姜鸡胸茴香叶捞檬 ($119)
平时嘅鸡丝捞檬就食得多，今次叫呢个几有惊喜
唔系用一般嘅捞檬酸甜酱汁，而系黄姜 (tumeric)酱汁💛，食到香浓嘅椰奶味，其实就类似葡汁，甜甜地咁好特别
捞檬底份量好多，檬粉系佢哋自家制嘅，面质偏幼身同黏，一开始成旧(可能因为冻食？)，捞埋酱就松散返🙈
🥢口感不至于好烟韧有啲易断，胜在非常非常索汁，味道浓郁
黄姜鸡胸茴香叶捞檬
$119
21 浏览
0 赞好
0 留言
鸡胸肉好足料好大件🐔起码有8-9件，好似海南鸡饭啲饭咁黄😂 全部俾黄姜粉腌到非常入味
虽然啖啖肉，但系用鸡胸嘅「代价」就系肉质相对干同鞋
另外仲有切碎成丝嘅生菜、腌白萝卜、红萝卜，味道酸甜🥬如果份量多啲会更好，层次口感丰富啲
🥜最后当然唔少得大量花生碎、干葱同薄荷叶做点缀，花生碎好香脆，味道亦十分特出
整体酱汁调味够特别，但檬粉同鸡肉质感未必称得上最好食🙈
一个人食成碗都饱饱哋🤰🏻(不过有留肚食甜品keke)
▶️ 三色椒柠檬叶金菇焗鲜蚝 ($168）
一份有四只，鲜蚝size比想像中大粒好多，值得呢个价
配上切碎咗嘅三色椒同一扎扎嘅金菇，望落唔单调乏味
本身用锡纸包住，店员会即场用打火机烧着锡纸🔥咁就可以趁热食
三色椒食落又苦又甜，好惹味又开味蕾
酱汁真系食到柠檬味道🍋，感觉好清新，同时又带少少辣🤏🏻
鲜蚝超新鲜而唔腥臭，上面部份韧韧哋，下面就一咬爆汁🤤
金菇一束束唔会好难咬，反而好爽口，索晒啲酱汁好Juicy👍🏻
几推介大家试吓呢道菜，一次过可以品尝到甜酸苦辣
三色椒柠檬叶金菇焗鲜蚝
$168
19 浏览
0 赞好
0 留言
▶️ 柠檬罗勒炒碎米饭伴柑桔鸡翼及猪串 ($128)
一个堆成正方形绿色嘅碎米饭
旁边放咗一只炸鸡翼，一条巨型嘅猪串，几片虾片，一片青瓜蕃茄，好似四面围墙咁😂 ，卖相几靓仔
🐷猪串用上半肥瘦猪腩肉，烤到外脆内软，少少㶶边咬落香口
罗勒炒碎米饭几特别，香港好少食到，🍚碎米比起正常米细粒好多，口感几得意，炒到粒粒分明够干身，一啲都唔油腻
柑桔鸡翼酸酸甜甜几开胃(真系放咗啲柑桔蜜起上面)，可惜得一只略嫌唔够喉～
柠檬罗勒炒碎米饭伴柑桔鸡翼及猪串
$128
20 浏览
0 赞好
0 留言
▶️ 斑斓布甸法包配自家制椰子雪糕 ($128)
想试好耐嘅甜品💚完全冇令我失望😍 (虽然一开始见到觉得佢比想像中细份)
大家可以拣即上或者叫起先上，我哋等食完主菜先当甜品上，咁就唔惊雪糕溶同面包变硬
一条长法包装住斑斓味道嘅布甸，面头洒上椰丝，再切成三份
旁边有兜椰子味雪糕🍦配上花生碎粒
🥖法包焗到非常香脆，头尾位有啲㶶，个人几钟意，咬落嚓嚓声
斑斓布甸占嘅比例多，做到流心效果，食落暖暖地😋
最欣赏系佢个斑斓味非常香浓，味道天然，唔觉系用香精，另一方面又有鸡蛋香味，甜度亦适中
布甸口感细致软滑，自己觉得好食过布甸包嘅布甸👍🏻
🥥椰子味雪糕比较似碎冰，唔会容易溶，椰子味道几出，配上花生碎好夹
将椰子雪糕放上布甸法包度食，简直系冰火交融，正爆❤️
必点必点甜品，100%推介🔥
斑兰布甸法包配自家制椰子雪糕
$128
6 浏览
0 赞好
0 留言
-
食物无论配搭、调味、卖相都非常有质素，系暂时喺香港食过数一数二嘅越南餐厅，亦系最靓／感觉高级嘅一间越南餐厅🇻🇳
环境好舒服，本身店舖有两层，位置阔绰，每张枱都好有私人空间，完全系同朋友谈心或者同另一半拍拖嘅胜地🤫
布置好有feel，感觉好似去咗旅行，打卡出嚟呃得下人🤣，不过灯光影相出嚟可能冇咁靓因为偏暗同黄
服务非常好，有礼貌又好好款待，座位下面有个揽仔放袋好细心
性价比唔错，全部份量量十足，用料对得住价钱，计埋加一平均$300/人，好满足～
张贴
