皇庭匯 (已結業)

今晚我们再去咗「皇庭汇」旺角店食晚饭！喺点菜嘅时候我们发现他们推出多款超抵食最新优惠！有明炉一哥烧鹅皇「例牌」$38，「半只」$48，「一只」都只系$88蚊咋，真系超抵食呀！碧绿玉环瑶柱甫都只系$48蚊咋！另有其他多款优惠！而我们就叫咗大闸蟹、沙参肉竹龙骨汤、明炉一哥烧鹅皇「半只」、碧绿玉环瑶柱甫同姜汁炒芥兰！大闸蟹有超多膏，膏嘅味道非常甘香，令人回味无穷，想每人都叫多几只嚟食！沙参肉竹龙骨汤真系非常足料，火候十足，味道非常甘香浓郁！明炉一哥烧鹅皇「半只」，虽然他们推出呢个超优惠嘅价钱，但绝无影响出品嘅质素！烧鹅同以往一样系即叫即烧，肉质皮脆肉嫩多汁，依旧保持水准！系本人嘅极力推介！碧绿玉环瑶柱甫嘅瑶柱炆得好入味，肉质亦好弹牙！姜汁炒芥兰，用姜汁嚟炒可以撇除草青味，芥兰亦非常爽口同无根！