小小館私房菜

营业中

休息中

今日同班朋友喺附近玩完剧本杀，于是就订咗呢间私房菜，其实之前都想订位，不过佢哋订座成日都好爆，今日终于有机会试到喇！佢哋嘅装修有啲清朝挂画，环境幽雅，令人感觉好舒服！小食：冰梅凉瓜：用冰梅制成嘅凉瓜，一啲都冇苦涩味，清甜爽口😋白玉葡萄：酸酸甜甜嘅冬瓜粒，非常开胃😋八味金条 ：豆腐炸到外脆内滑，非常香口😋主食：黑松露芥末南非鲍：黑松露芥末原来同鲍鱼系好夹架，大大只鲍鱼，大家都话各人只得一只唔够喉呀😜花雕蛋白虎虾皇：虎虾爽口鲜甜，蛋白嫩滑，配上香浓嘅花雕酒，而虾头炸到香脆可口，非常好味😋蜜烧黑豚肉：黑豚肉配以蜜汁烧得松软可口😄花胶浓鸡汤：鸡汤味浓，淡淡花胶好似注入满满骨胶原呀😜蒜蓉粉丝蒸圣子皇：圣子新鲜弹牙爽口，粉丝吸收咗蒜蓉汁，非常惹味😋啫啫时蔬：芥兰苗非常嫩，未上菜已经闻到香气扑鼻😜瓦罉葱油鸡：呢煲葱油鸡非常入味，鸡肉仲好嫩滑😜甜品:西米焗布甸配桂花糕：布甸里面有豆沙，桂花香气扑鼻，两款甜品都唔系太甜，真系完美😋今晚呢个私房菜套餐果然冇令大家失望，个个都食到舔舔脷，最后我哋仲加咗个樱花脆米炒饭，炒饭足料十足，炒到粒粒分明，不经不觉又清晒碟呀😜