池記 (已結業)

刚开完会，食个面先返大埔啦。唔知几多年无食过池记，好似四五年前九龙湾黄金衣蟹粥、云吞虾籽捞面一役后就无帮衬过喇。朋友仔想食，无所谓。一坐底成枱都系醋，黐笠笠！好采阿姐摆位时都顺便抺干净，吓得我！坐得唔多舒服，好迫而且枱櫈贴到密麻麻。乌蝇飞黎飞去㖞，虽然卫生麻麻，但传菜既大婶非常有礼貌，多谢前多谢后，好 warm，都唔好意思黑面啦。净南乳猪手，冷盘黎既咩？骨多肉少唔热又劲咸，仲有猪脚甲呀！好可怕！激劣！两碗迷你云吞面加一碟净猪骨，多谢二百五十蚊！咁经贵唔啱我地食啦。四周完全被强国人包围，我地似乎去错地方咯。云吞面走葱走韮黄，都有多年年食过池记既云吞面喇，以前坚好食，但依家完全唔合格啰，只能评为唔难食。细细一碗仔，汤底淡而无味又唔香，云吞爽口但猪肉少到食唔到，鲜味欠奉，唯一合格既只有弹牙碱水面。云吞面走葱走韮黄，整碗面都太淡，都要辣椒油救命，池记依旧无豉油供应，无紧要，净渣都好。但系辣椒渣不香口只有微辣，咸咸地，算摆啦，唉。