Kiss The Tiramisu (已結業)

早几日朋友入黎屯门探我，而身为超级韩迷既佢得知屯门开左韩国人气爆登弘大kiss the tiramisu，又话要去朝圣食下佢既tiramisu雪糕咁先不枉佢此行。Kiss the tiramisu menu一目了然，有三种口味，原味tiramisu，香蕉同士多啤梨味。朋友钟情tiramisu，所以二话不说就拣左原味。同一般外卖雪糕有所不同，kiss the tiramisu用长型杯盛装雪糕，除左方便拎黎住食之外，外型美观既杯更系女仔selfie时至爱😍为左令雪糕可以冰冷一啲，铺头将杯放入雪柜之中，令雪糕冰冻感更为持久。Tiramisu软雪糕唔似一般一唧就ok可以食，成个过程好似真系整tiramisu蛋糕咁，逐层逐层整，先系杯底外围整几圈雪糕，然后再系中间加入芝士，饼碎，朱古力粉，跟住上层再唧多几圈软雪糕，唧啲咖啡酒，洒上朱古力粉之外，仲即时磨朱古力块系雪糕上，加强朱古力味道。朱古力同咖啡酒味道浓烈，雪糕牛奶味重，软滑程度一般，不过食到杯底时将雪糕搅拌黎食真系几似食tiramisu蛋糕味道。至于我上次食唔到士多啤梨味，今次一心想试，点知又卖哂，所以试下香蕉雪糕可唔可以吸引到我，士多啤梨味