影片
更多
2015-08-28
5207 浏览
致刘x霞小姐:今晚农历七月十四日，我在这里想写封信给你。冇错，很多人会衬节日，写一封信给你的致亲和表白，但今日，我想写一封信，谈一下你非常有宗旨的工作态度。我在想这应该是食评与否，刚刚记起，这里有非试食文，好，就在这里奉献我的第一篇试食文，因为当晚我没有在这里食到晚饭。然而，我希望所有到这里吃饭的朋友，如果你要来这里食饭，要有三戒，记得唔好迟到·唔好迟到同唔·好·迟·到。今晚，我预约了七点，但我今天的工作真的很忙很忙，七点才刚刚开始搭巴士，塞车塞左一会儿，好不容易用了四十分钟到左个度，老实说，我都知我迟到唔啱，我有想过打电话话我迟左放工，试下可唔可以好似锄大d投降输一半咁，认衰便输少当赢，咁样可以迟到都有得食，但系，我觉得不如都系去现场睇下啦，等一阵都应该嘅，迟到系我错，因为我真系好想试呢间蒸气火锅。好啦，硬著头皮去到，已经有很多人等位，我心知不妙，但为食的性格累事，因为我好想食呢间野，我行埋去，那刻是七点四十五分，这天，我遇上了你，刘x霞小姐，应该是这几年我见过最敬重的服务员。我决定说出我迟到的事实，我有想过话我迟到系因为等埋发叔，有想过话因为世界难捞放工时间难控制，有想过话我可能饮
今晚农历七月十四日，我在这里想写封信给你。冇错，很多人会衬节日，写一封信给你的致亲和表白，但今日，我想写一封信，谈一下你非常有宗旨的工作态度。
我在想这应该是食评与否，刚刚记起，这里有非试食文，好，就在这里奉献我的第一篇试食文，因为当晚我没有在这里食到晚饭。
然而，我希望所有到这里吃饭的朋友，如果你要来这里食饭，要有三戒，记得唔好迟到·唔好迟到同唔·好·迟·到。
今晚，我预约了七点，但我今天的工作真的很忙很忙，七点才刚刚开始搭巴士，塞车塞左一会儿，好不容易用了四十分钟到左个度，老实说，我都知我迟到唔啱，我有想过打电话话我迟左放工，试下可唔可以好似锄大d投降输一半咁，认衰便输少当赢，咁样可以迟到都有得食，但系，我觉得不如都系去现场睇下啦，等一阵都应该嘅，迟到系我错，因为我真系好想试呢间蒸气火锅。
好啦，硬著头皮去到，已经有很多人等位，我心知不妙，但为食的性格累事，因为我好想食呢间野，我行埋去，那刻是七点四十五分，这天，我遇上了你，刘x霞小姐，应该是这几年我见过最敬重的服务员。
我决定说出我迟到的事实，我有想过话我迟到系因为等埋发叔，有想过话因为世界难捞放工时间难控制，有想过话我可能饮左含铅嘅水多所以个人都行得慢左，有谂过好多好多的原因，不过刘x霞小姐说:哗，你迟咁耐，等下啦。
我问:咁等几耐呀。
刘小姐:你去行一阵啦。
我:咁大概几耐，我有时间可以预。
刘小姐:好多人呀，答你唔到。
此刻，有个著靓靓西装的女士过到黎，刘小姐同佢讲，佢迟到呀。
那刻我就如小学被训导主任捉我迟到一样咁反感。
不过，我真系错，因此，我冇反击之余地。
然后，那个姐姐好似好想帮我，问左我前面有乜人等枱，三两下手势，就好似胸有成竹咁，好似好有把握咁。
姐姐行上去后，我就乖乖地等，那个时候，大约八点左右，我都系同张栢芝一样，赌爱一下，没法自制投入在爱情，那种爱，我想系那刻投入在好想食呢间餐厅的冲动当中。
等了十分钟左右，其实好多枱已经慢慢放左出黎，渐渐好多人上左去，我感受到黎明的光，我以为我可以入去食饭啦。于是上去睇下环境系唔系好多人走，我上到去，好靓嘅装修，特别是那个鱼缸和混酱枱，好精美吸引。我见到刚刚帮我的姐姐，然后我问她，到底有位没有，她说，你等一下吧。
就如观音兵会等港女一样，少少的甜头我就觉得我有机会一样，女神叫我等，当然等啦，多么想拥有心仪的女神系此时此刻的大欲望，在餐厅的鱼缸看到圣子皇就如见到女神的长腿发左癫一样，加上看到枱枱的食物都好吸引，我决定乖乖等，加上我看到好像有一两张卡位枱就走，我便乖乖回去坐。
落到去，继续等。
当然，那张枱俾左其他人，然后，继续等。
等到八点十五分，一路等，我一路睇住刘小姐的知客分位技巧，老实说，知客系可以好有霸气的，如果你安排得好，有压场感，完全系冇问题的，通常带位有人投诉有人劲嘈的都系因为知客分配得不够好，或不够醒目，但如果你有系度食过，等过位，那么你又见识过刘小姐的话，我也相信你对她的技巧不敢苟同，因为佢都几大声又唔系太有礼貌，我系做服务性行业，讲真那刻我的customer experience 好差。
佢望下我，我望下佢，我觉得好似细过迟到对住训导主任一样，因为迟到要感到惭愧。我开始觉得唔开心，可能因为我工作能力低，搞到自己迟放工，可能因为我无用，选择错交通工具迟到，可能因为我冇交带，我那刻差点以为自己抑郁，唔怪得而家咁多癫人，食过饭都有压力，我开始检讨自己。
不过，为左食，你可以去到几尽?我决定学至尊宝，"如果可以为呢份感情加一份期限，我希望为一万年"，唔好意思，我唔系圣人，亦不是孙悟空，我俾自己的期间，系四十五分钟，因为我迟到左四十五分钟。
赵学而话，每隔两秒我都想起你，我完全系每一秒都想起你，刘小姐，你系呢段时间，你完全冇同我沟通，我都不知自己等的位置究竟有冇著落，等唔系问题，但咁样无了期的等待，我做不到，四十五分钟，大限到，我决定上楼上揾头先那姐姐，因为佢似系一个会解决问题嘅人。
上到去，其实看到大部分细枱都唔似走，我知道，我应该食唔到，然后我讲：唔好意思呀，我迟到左四十五分钟，我而家等返四十五分钟啦，你地如果真系冇位，我唔等啦。”
那个姐姐话：”系啦，我都想做生意，不过，你睇到，我真系冇位，你下次book个啦”
冇问题，你咁讲，我觉得系非常好，然后我行番落楼梯。
那刻，我冇乜感觉，我迟到都冇辨法，我理亏在先。
行落去，霸气十足的刘小姐竟然行过黎，问我个个姐姐有冇帮到我，哈哈，我那刻仲以为佢好好人。
我朋友那刻却怒气冲冲拉我走。
系我上去嘅时候，其实我有另一个朋友系度等，佢听到哂阿霸气姐讲嘅野。
原来系我上去的时候，佢用walkie同上面个个姐讲，迟到咪由佢走lor。
呢句野系后来朋友讲俾我听的，应该系我上去问人嘅时候发生。
呢个知客刘x霞小姐，我才知道她的技巧好纯熟，纯熟我个名技巧树熊，甘拜下风，我想跟著陈伟霆唱:今天终于知道错。我迟到，我错了。
对不起，刘小姐，我知道以后食饭唔应该迟到了。
如何做知客做到不失霸气，如果我朋友不是在楼下听到佢嘅说话，我总以为佢好好人，哈哈，那个笑容我一世也记得。
潮福蒸气火锅，其实完全唔系你嘅问题，今晚我的遭遇，系刘小姐的问题，佢有绝对优势，好庆幸你有个咁好嘅员工，如果可以投票选最佳服务员，我觉得我一定会投你，给最有霸气的知客，我相信所有公关都要学你有咁精彩嘅公关技巧。
敬上
冇你咁有技巧嘅技巧树熊
张贴