祥興記上海生煎包 (已結業)

我去过上海食过生煎包，番到香港呢几年都冇食过啦。今次特登去到荃湾食佢既生煎包，环境就麻麻啦，每个人都坐得好埋，膊头贴膊头，座位又窄，佢应该想我地食完快快走。好彩个日冇咩人，我地堂食都仲可以接受。我买左40蚊既套餐，一杯野饮，2只生煎包，仲有一碗粉丝。杯野饮我就拣左柑桔汁，酸酸地几开胃，仲有豆浆同其他可以拣，但我都拣左柑桔，大热天时饮番杯冻柑桔都咪话唔正。粉丝就普普通通，Size都唔算大，但够食，为左填肚先拣左佢。最后入正题讲生煎包，佢既生煎包同我系上海食既真系好好好似，馅同层皮都好食同够薄，但一定唔好可一啖食哂，因为入面有好多肉汁，一啖就好大可能整到全身都系，包既温度都KEEP得好好，够热但唔会辣亲个咀。生煎包各样野都做得唔错，但整体包埋其他野就要扣D分，份量其实岩岩好，食完唔会话饿，但大食D就会唔够食，同埋地方好窄。