影片
更多
2023-08-15
2031 浏览
食omakase原来系会上瘾，而且系会忍唔住越食越贵🤑多手经常㩒下个预约网站，又成功执鸡🐣 今次同其他客人八个人坐一间房，围住一张吧枱，一位师傅主理，两位师傅协助。佢个餐牌话会因应季节安排时令菜式，所以冇标明有几多道菜，呢晚最后就食咗21道。 今次嘅体验系非常满足，感觉师傅嘅风格都系以突出食材鲜味为主，好少用到花巧嘅调味，前中后段都有唔少菜式有惊喜🤩成餐饭嘅节奏掌握得好好，每道菜之间都有恰当嘅空间，但又唔会拖得太耐。师傅嘅讲解好清楚，会更加有概念自己食紧啲咩，同埋应该点样品尝。侍应嘅服务亦都非常亲切，叫佢推介清酒都会好细心咁了解客人口味，而唔系盲推贵嘢。虽然成餐价钱都有啲可观🤑但间中奢侈享受就当奖励下努力工作嘅自己啦😎 多quota评价：🤤爆quota都食(🤮<☹️<😐<😋<🤤)*****（详细介绍，用餐时为6月底，⭐️为特别喜爱） 海月伴莼菜伴柚子sparkling tea、白象拔蚌、⭐️豆腐伴白鲟鱼鱼子酱、汁煮真蚝、烟熏鲣鱼、海鲜鸡白汤炖煮黑边鲍📝豆腐系用象拔蚌肝同肉做出嚟，好特别，虽然唔滑但好软棉，咸鲜浓味余味长 春子、池鱼、⭐️赤身酱油渍、霜降雪花大拖罗
今次同其他客人八个人坐一间房，围住一张吧枱，一位师傅主理，两位师傅协助。佢个餐牌话会因应季节安排时令菜式，所以冇标明有几多道菜，呢晚最后就食咗21道。
今次嘅体验系非常满足，感觉师傅嘅风格都系以突出食材鲜味为主，好少用到花巧嘅调味，前中后段都有唔少菜式有惊喜🤩成餐饭嘅节奏掌握得好好，每道菜之间都有恰当嘅空间，但又唔会拖得太耐。师傅嘅讲解好清楚，会更加有概念自己食紧啲咩，同埋应该点样品尝。侍应嘅服务亦都非常亲切，叫佢推介清酒都会好细心咁了解客人口味，而唔系盲推贵嘢。虽然成餐价钱都有啲可观🤑但间中奢侈享受就当奖励下努力工作嘅自己啦😎
多quota评价：🤤爆quota都食
(🤮<☹️<😐<😋<🤤)
*****
（详细介绍，用餐时为6月底，⭐️为特别喜爱）
海月伴莼菜伴柚子sparkling tea、白象拔蚌、⭐️豆腐伴白鲟鱼鱼子酱、汁煮真蚝、烟熏鲣鱼、海鲜鸡白汤炖煮黑边鲍
📝豆腐系用象拔蚌肝同肉做出嚟，好特别，虽然唔滑但好软棉，咸鲜浓味余味长
春子、池鱼、⭐️赤身酱油渍、霜降雪花大拖罗、⭐️鱿鱼包海胆、⭐️缟虾
📝赤身酱油渍系食过最好味之一，熟成23日，酱油味明显但唔抢，鱼味好突出
📝鱿鱼同海胆非常夹，口感丰富，海胆味鲜甜
📝缟虾加咗用虾子、虾头、虾壳提炼嘅虾油，鲜味好浓厚
⭐️白粟米、水茄子、鸡颈伴舞蓉菇、酱油渍蟹、⭐️吉列伊势海老
📝真系少见多怪，冇谂过粟米系可以咁清甜爆汁
📝 伊势海老加咗干虾子、龙虾膏、虾头煮成牛油酱，炸到半生熟，又有爽弹口感又保持虾肉甜味
鲭鱼醋腌渍、⭐️赤海胆、煮穴子、⭐️太卷
📝海胆好大量，口感好软滑，完全唔舍得吞
📝太卷有啲似睇烟花最后𠮶幕咁，好丰富咁爆晒出嚟，不停食到唔同食材嘅味道
海鲜鸡白汤、巨峰提子&蜜瓜
张贴
