影片
更多
2017-07-17
1268 浏览
老婆大人超级钟意食蟹，去日本食过釜饭佢都讃过釜饭够健康亦好鲜味，早前系电视见到铜锣湾介绍呢间奈良上釜已经好想带老婆去食。上星期同事去食完同我地分享奈良上釜推出的蟹盛，非常吸引，所以我决定星期日晚偷偷带老婆来食，俾个惊喜佢。😘我地今日系铜锣湾行完街后，我就同老婆讲要去登龙街食拉面，其实系已经安排左去奈良上釜食釜饭。我地18:30到，当然已经左好多枱客人，之后到场的客人已经需要在门外排队了。老婆入到餐厅见系食好多蟹的釜饭超级开心。😍我自己其实都好钟意食蟹，我地点左一客蟹盛同一客奈良七盛釜SHARE。蟹盛釜饭系有超多蟹膏蟹肉同蟹籽，另配松叶蟹脚天妇罗、三只松叶蟹脚、松叶蟹茶壶蒸、味噌汤、渍物同生果，每客$298。奈良七盛釜饭材料有蟹肉、海虾、鲍鱼、三文鱼子、冬菇、白本菇同三叶，另配刺身、冻豆腐、茶壶蒸、味噌汤、渍物同生果，每客$288。奈良七盛釜饭配的刺身有虾、油甘鱼同拖罗，全部都好鲜甜。虾肉够弹牙，油甘鱼同拖罗都系厚切，油分好够入口啖啖鱼油香。😋松叶蟹脚卖相已经满分，壳亦已帮我地系背面开左，帮我地呢D呃LIKE一族考虑得相当周到。👍配松叶蟹脚的汁唔太酸，唔会抢左松叶蟹的鲜甜，背面开左一片壳
我地今日系铜锣湾行完街后，我就同老婆讲要去登龙街食拉面，其实系已经安排左去奈良上釜食釜饭。我地18:30到，当然已经左好多枱客人，之后到场的客人已经需要在门外排队了。老婆入到餐厅见系食好多蟹的釜饭超级开心。😍我自己其实都好钟意食蟹，我地点左一客蟹盛同一客奈良七盛釜SHARE。
蟹盛釜饭系有超多蟹膏蟹肉同蟹籽，另配松叶蟹脚天妇罗、三只松叶蟹脚、松叶蟹茶壶蒸、味噌汤、渍物同生果，每客$298。
奈良七盛釜饭材料有蟹肉、海虾、鲍鱼、三文鱼子、冬菇、白本菇同三叶，另配刺身、冻豆腐、茶壶蒸、味噌汤、渍物同生果，每客$288。
奈良七盛釜饭配的刺身有虾、油甘鱼同拖罗，全部都好鲜甜。虾肉够弹牙，油甘鱼同拖罗都系厚切，油分好够入口啖啖鱼油香。😋
松叶蟹脚卖相已经满分，壳亦已帮我地系背面开左，帮我地呢D呃LIKE一族考虑得相当周到。👍
配松叶蟹脚的汁唔太酸，唔会抢左松叶蟹的鲜甜，背面开左一片壳，食起来非常方便。
煮物好入味，卖相似豚肉，其实系鱼，非常软腍。
奈良七盛釜饭配的茶壶蒸，蛋好细滑，唔太咸蛋味亦好浓，配料都好多。
奈良七盛釜饭配的茶壶蒸、冻豆腐同渍物。(冻豆腐同渍物老婆食哂🙊)
蟹盛配的松叶蟹脚天妇罗，除左系日本，我好少系香港食松叶蟹脚天妇罗，呢个天妇罗炸得非常好，而且蟹肉炸完仍然鲜嫩多汁。👍
食完前菜之后我开始担心，因为连我都而且半饱，老婆唔知仲食唔食得落个釜饭呢?!(唯有饮返啖茶消化一下啦)🍵
老婆话好钟意呢度D茶杯，确系几靓。
蟹盛的主角: 蟹盛釜饭连同松叶蟹茶壶蒸、味噌汤、渍物同生果一齐上，釜饭的蟹膏蟹肉好多，饭底同海鲜一齐蒸煮，吸收左海鲜精华，每啖饭都混有蟹膏同好多蟹肉，鲜味十足。😋
蟹膏大大旧。😍
蟹盛的茶壶蒸比奈良七盛釜饭配的材料更丰富。
味噌汤好清，好适合配釜饭。
奈良七盛釜饭的三文鱼子为免过熟，所以会同釜饭分开上。
奈良七盛釜饭相当有造型，一个饭有蟹肉、海虾、鲍鱼、三文鱼子、冬菇、白本菇同三叶咁多材料。
海虾同鲍鱼都好大只。
鲍鱼好弹牙有咬劲，唔会煮得过熟。
对于细食的老婆，呢一餐份量太多，主要系釜饭的饭量太多，不过我都清哂，但系下次来时要问问可唔可以一个少饭。
我地今次来食策略好成功，要多谢同事话俾我地听，来食釜饭最好18:30前到，果然我地离开时都已经好多人排队。
我地到时天仲好光。
奈良上釜餐牌好简单清晰，但我自己觉得实物比餐牌的照片更靓。🙈
张贴
