Home‧焙小日子 (希慎廣場)

营业中

休息中

话说姨甥仔生日，一路都谂住买蛋糕，啱啱朋友推介呢间Home焙小日子，忽法奇想，不如我哋自己整蛋糕俾佢。呢度有好多款嘅蛋糕俾你选择，你可以拣你钟意嘅蛋糕，然之后有段片俾你睇，睇完片之后你就可以出去攞物资，跟住步骤一步一步，好快你就整到一个一模一样嘅蛋糕。整蛋糕甜品零经验嘅我，觉得非常之好玩，而且极度方便，最紧要我整蛋糕嘅配料，用具，就算焗炉搅拌机等等所有嘢都好干净整齐企理。由于姨甥仔钟意动物，我哋整咗个动物森友会俾佢，骤眼睇同出面买真系冇乜分别，而且佢嘅包装真系几靓，又有得食又有得玩，最重要几好食。老婆整嘅琥珀伯爵茶乳酪，简单又容易学，好适合钟意呢类简单甜品嘅女士，一啲都唔甜之余，又唔难整。如果同朋友又或者小朋友嚟整嘅话，应该非常开心，唔同嘅蛋糕有唔同嘅时间，动物森友会同琥珀伯爵茶乳酪都系两个至两个半钟就已经完成，开头都好惊会整好耐，但系原来跟住佢嘅步骤真系好简单，整完都会好有满足感。下次唔一定要买生日蛋糕，食生日饭之前上去玩返一堂，之后攞住自己亲手整嘅生日蛋糕比亲戚朋友，惊喜应该仲更加大。