茜咖啡餐屋

营业中

休息中

今日去统一中心整完野，见到呢间铺头多人帮衬，而价格平（金钟黎讲），见餐牌有d似subways，以买sandwiches 为主。《Philly Cheese Steak Sandwich》 $45睇个样以为好dry，好少肉，一咬落去里面原来好多肉，呢个价钱黎讲肉量算多，而且好多芝士，再加埋洋葱同沙律酱，减低肥腻感，成个combination岩岩好，系好食的。《Turkey Deluxe Pizza》配甘荀汁 $60Pizza表面已经见到好多芝士同牛油果，本来以为好淡味，不过咬落就知岩岩好，火鸡肉本来都有味而且唔干身，配埋芝士嘅咸香味，再加埋牛油果，健康好味又饱肚。《甘荀汁》《甘荀苹果汁》+$15跟餐加$15可以配果汁/冻咖啡，加左一杯甘荀汁和甘荀苹果汁，但饮落就发现应该系红萝卜汁，唔够清甜。另外杯甘笋苹果汁，有西芹味，怀疑店员听错，比咗甘笋西芹汁。