影片
更多
2023-08-20
734 浏览
N揸车经过几次见到依间餐厅个名几特别，去OP一睇先发现超多好评，所以就黎试吓到底系咪打手😂餐厅环境简洁有D似私房菜，枱同枱之间都有距离系几舒服，打开餐牌虽然款式唔多但都几特别🔸清酒鹅肝依个做法几特别，先蒸再冻食减低油腻感，酒香扑鼻但保留鹅肝既香滑，唔错🔸辣子鸡系超级出色，佢地加左新鲜辣椒去炒所以系谭仔三小既辣度，真系好食。鸡件香脆嫩滑又无骨，好似麦乐鸡咁好正，成个𩠌既味道处理得好好，超快清碟🔸凤梨咕噜肉个卖相普通，点知食落有惊喜😍炸粉粉浆调配啱啱好，炸得酥脆又唔过厚咬落仲有脆既感觉。酱汁甜酸都适中，系我近排食过最好食既咕噜肉🔸豉油王鹅肠超肥😍好好食，唔咸又够香，用银芽铺底吸晒啲汁好好味🔸酱皇慢煮安格斯牛讲到系招牌菜咁一定要叫，慢煮牛味道好浓郁，脂肪分布平均，入口好嫩滑个颜色仲好吸引，配菜既菇菌蔬菜加左松露炒都好好食🔸古法盐焗鸡一定要预先订，咸香味好够连啲鸡肝鸡肾都入哂味，表皮焦黄酥脆但又唔会过分油腻，肉质偏向爽口特别嫩滑，我估系因为新鲜鸡既关系⁉️成餐饭都好好食，连甜品都有心思系砵仔糕，可惜我哋唔记得影相。餐厅整体都高质不论服务食物都做得好好，唯一唔好系条楼梯，啲防滑胶系最滑，痴线嫁😂
🔸清酒鹅肝依个做法几特别，先蒸再冻食减低油腻感，酒香扑鼻但保留鹅肝既香滑，唔错
🔸辣子鸡系超级出色，佢地加左新鲜辣椒去炒所以系谭仔三小既辣度，真系好食。鸡件香脆嫩滑又无骨，好似麦乐鸡咁好正，成个𩠌既味道处理得好好，超快清碟
🔸凤梨咕噜肉个卖相普通，点知食落有惊喜😍炸粉粉浆调配啱啱好，炸得酥脆又唔过厚咬落仲有脆既感觉。酱汁甜酸都适中，系我近排食过最好食既咕噜肉
🔸豉油王鹅肠超肥😍好好食，唔咸又够香，用银芽铺底吸晒啲汁好好味
🔸酱皇慢煮安格斯牛讲到系招牌菜咁一定要叫，慢煮牛味道好浓郁，脂肪分布平均，入口好嫩滑个颜色仲好吸引，配菜既菇菌蔬菜加左松露炒都好好食
🔸古法盐焗鸡一定要预先订，咸香味好够连啲鸡肝鸡肾都入哂味，表皮焦黄酥脆但又唔会过分油腻，肉质偏向爽口特别嫩滑，我估系因为新鲜鸡既关系⁉️
成餐饭都好好食，连甜品都有心思系砵仔糕，可惜我哋唔记得影相。餐厅整体都高质不论服务食物都做得好好，唯一唔好系条楼梯，啲防滑胶系最滑，痴线嫁😂
张贴