樂天皇朝 (已結業)

乐天皇朝凭著八色小笼包开到周围都有分店，之前喺铜锣湾同成班旧同事试过， 今次就同老公两个系尖沙咀食， 贪佢哋点方便。系加拿芬广场全层，地方好大好，坐得舒服，亦见到唔少鬼佬喺度食。今次我哋两个人就净系叫咗6只蟹粉小笼包， 李白醉鸡 ，酸辣汤 ，鲜虾云吞抄手拌面 ，老干妈什菌炒牛肉。 外加两个甜品 宫廷驴打滚， 柠檬芦荟桂花蜜。蟹粉小笼包系我试过的8色中最爱，有蟹粉的鲜味加上猪肉汤汁， 皮薄馅靓。 李白醉鸡并无特别加钱转脾位， 因为之前食开， 唔系脾位的鸡肉都好嫩滑，酒味浓郁。酸辣汤望落有啲细， 但味道好浓郁， 勾芡浓, 酸辣味重。鲜虾云吞拌面， 一开始见唔到啲云吞，原来放左系底，有4粒左右,都几大粒。拌面加入咗辣椒 ，肉碎芫茜，又一道重口味的主食。杂菌炒牛肉，望落好似好细碟咁， 牛肉加青红椒及杂菇炒，火喉控制得好，冇过火，牛肉嫩滑，好味道。甜品方面桂花芦荟柠檬蜜 ，我最爱的桂花味被柠檬味盖过，但整体感觉清新， 颇为有趣。宫廷驴打滚， 对于烟韧控的我来说很有吸引力， 软黏的糯米皮黏黏包住一层层豆沙馅，很美味。每碟份量唔系好多，但食完之后饱到上心口