日喜樓 (已結業)

登龙街好多好野食，相信依句statement大家都唔会反对，今日同妈咪食左日喜楼，典型既一间上海加四川餐厅。所以我地都叫番啲典型既上海菜食，下次有机先再试埋啲川菜。我同妈咪嗌咗醉鸡，小笼包，熏鱼，锅贴，担担面。醉鸡全部都系用鸡髀，鸡肉非常嫩滑，酒味冇过重，几好，卖相都十分好同埋份量都够。小笼包正常地多汁。过熏鱼整得唔错，类似有糖醋鱼嘅感觉，小小嘅酸甜味，熏鱼外层非常脆口。锅贴外皮较硬身。担担面味道非常浓郁，有少少辣，佢依款系冇花生味𠮶款嘅担担面。呢度有啲特饮买一送一，我就试咗个香茅姜茶，感觉有啲似姜味汽水走气同埋多咗香茅，感觉几清新。总结：价钱同食物质素成正比，座位坐得好阔落，同朋友黎小聚嘅话都系一个唔错嘅地方。