影片
更多
2024-06-27
1671 浏览
有外国朋友嚟香港探我，想带佢哋食啲地道嘢，又唔想食得太Heavy，就胆粗粗问佢哋要唔要试吓食糖水。佢哋又OK㖞，见呢间Google评分都好高分吓，而且好多人推介，又有米芝莲，就带佢哋嚟试试。一去到唔够八点已经人山人海，好多人拎咗飞等紧位，我都即刻拎张。好在啲人嚟得快都去得快，大概四、五个字就有位可以入去坐。入面落单系用手机App嘅，落完要自己出去柜台比咗钱先会整比你。我哋去到无晒杨枝甘露，就叫咗芝麻糊加汤圆，核桃杏仁糊同埋椰汁紫糯米。先讲芝麻糊，入口非常顺滑，香气十足，甜度适中，大家一致认为系最好食嘅一碗。加埋芝麻汤圆都好夹，不过汤圆略嫌细粒同皮厚咗少少，馅料唔多。我平时唔食中式糖水，红豆沙𠮶啲都唔太食，所以见到核桃杏仁糊都有少少却步。我试咗一啖，系淡淡哋有啲坚果嘅味道，甜度唔太高，意外地接受到，可能热食都比较好食。紫糯米我就无缘试佢啦，不过朋友话觉得好食，有食晒，咁睇嚟都唔会差得去边。我哋三碗嘢埋单都系唔洗100蚊，认真抵食，唔怪得咁旺场啦。下次如果去开佐敦都会再嚟碰吓运气睇吓食唔食到杨枝甘露～
一去到唔够八点已经人山人海，好多人拎咗飞等紧位，我都即刻拎张。
好在啲人嚟得快都去得快，大概四、五个字就有位可以入去坐。
入面落单系用手机App嘅，落完要自己出去柜台比咗钱先会整比你。
我哋去到无晒杨枝甘露，就叫咗芝麻糊加汤圆，核桃杏仁糊同埋椰汁紫糯米。
先讲芝麻糊，入口非常顺滑，香气十足，甜度适中，大家一致认为系最好食嘅一碗。
加埋芝麻汤圆都好夹，不过汤圆略嫌细粒同皮厚咗少少，馅料唔多。
我平时唔食中式糖水，红豆沙𠮶啲都唔太食，所以见到核桃杏仁糊都有少少却步。
我试咗一啖，系淡淡哋有啲坚果嘅味道，甜度唔太高，意外地接受到，可能热食都比较好食。
紫糯米我就无缘试佢啦，不过朋友话觉得好食，有食晒，咁睇嚟都唔会差得去边。
我哋三碗嘢埋单都系唔洗100蚊，认真抵食，唔怪得咁旺场啦。
下次如果去开佐敦都会再嚟碰吓运气睇吓食唔食到杨枝甘露～
张贴
