黑色經典臭豆腐 (已結業)

地点就近，而且好朋友圈内个个话好食，所以就抽出一日去试下。地点系旧 B 记旁边，如果唔知旧 B 系边既话...去到元朗揾到条大坑渠，再沿住条渠走就一定会揾到。店面细细，可能因为新开张既关系，厨房各类用具都好新净，好令人安心。近看卖点，文字上看来，这款黑色豆腐就好似系长沙特产，搬黎香港卖咁...先唔好讲太多门面野...净讲臭豆腐...黑色，我真系未见过。仲要灌汤，其实都真系几有趣。而且，图中果位丫姐，我见佢连食 2 碗，等食等到停系店入边被「臭气」俘虏亦在所不惜...我的确有心动。价位 : $20 / 5旧我拣左小辣﹑走莞茜。呢款黑色豆腐加埋 D 辣椒丝﹑蒜，卖相其实都唔样衰，而且亦唔系黑到一旧碳咁。旧豆腐内胆虽然灌左汤，不过豆腐外皮都系脆身，咬落 D 汤汁流出黎果刻，真系有 D 小笼包 FEEL，拣左小辣对于我黎讲系岩岩好，好香。我试过一口放成旧豆腐入口，虽则无「辣」到咀，不过唔够放，D 汤会系咀角流出，所以都系分半黎食会好 D。据我所知，依家全香港系得呢间卖紧呢款黑色经典，大家有兴趣，入开元朗去完 B 仔，记得帮亲。我头先仲发现 OPENRICE 未有人写过佢，所以...我依家就去抢