鐵牛台灣牛肉麵 (旺角中心第一座) (已結業)

呢间铁牛系初初新开张都食过一次，台湾野黎讲价钱不算便宜，但觉得都几好食，可以反兜，今次就第二次食啦！呢间餐厅应该有啲员工系台湾人黎既，另外要自己剔点餐纸再去收银比钱。叫左个鸡腿排便当：略嫌鸡嘅酱汁有啲咸，鸡肉不算太滑但尚可接受。另外仲有少少前菜，而个卤肉饭都还可以，但我觉得可以比多少少卤肉同酱汁，捞饭食会好啲仲有红烧牛肉面(忘了影相)唔知系咪个碗比较阔身，显得面有点少，牛肉又好似乱咁摆，洒左少少葱花。汤底色水正常，但有点不足，缺少左红烧嘅香辣味，较淡口。今次试下市，人均一百蚊，喺香港食牛肉面都系咁上下质素，唔会抱太大期望。