麵屋一平安

营业中

休息中

今日下昼食咗个好难食嘅炸鱼柳虾咖哩饭，好担心粒食神隐身ing… 但放工好饿，而且要等待教练到21:00，所以食嘢先。一路撘地铁一路揾嘢食，原本谂过去其他区，但唔知做乜突然叮一声谂起靓仔发型师介绍过呢间好味，仲要行到老远嘅尖东店先得，反正同区仲方便，于是就去咗。要咗猪腩肉猪骨汤面，加埋炸鸡软骨。汤底唔系浓稠gel口但好重猪骨味，啲面唔系自制但好爽亦当然冇最憎嘅碱水味，猪腩肉虽然嚡嚡地，但肥膏位又真系入口即溶，而且有面豉味，配菜有椰菜芽菜木耳葱花都几多。炸鸡软骨热烫又够脆。成间店啲客除咗我其余4枱都系日本人，质素差极有限，服务又唔错会主动适时收碗碟。最蚀底可能系位置难揾装修旧，但真系超平，个面只系$54，炸嘢$22，连加一都系$84。