農圃飯店

营业中

休息中

契婆生忌晚宴设于「农圃饭店」，据悉老字号以不少经典怀旧菜式闻名，初次到临嘅小肥当然好期待啦！位于铜锣湾嘅中菜厅地点好易揾，只系交通比较挤塞，大家记紧要预松少少时间出门口。用餐大堂面积唔算好大，不过摆出行半嘅四人散座都好整齐。十人派对被安排入座D区嘅私人厢房，虽有专人服务，但感觉姐姐要一个人负责哂酒水、换碟、上菜等工作也未免太吃力了，幸好其态度诚恳，细佬都有帮忙加酒。餐桌上摆有齐备嘅自用及公用餐具，由于主人家早已订好菜单，宾客只需饭来张口。等待人齐时，先有三款开胃小食，包括爽脆嘅青瓜、苦瓜，最正系甜浓嘅红菊腌牛根拼牛𦟌。古法糯米鸡翼：此道糯米鸡翼乃「农圃」所创嘅镇店名菜，师傅要先将鸡翼去骨后再酿入糯米饭，都几多功夫架。鸡翼胀卜卜，外层嘅鸡皮巧薄香脆，皮下嘅糯米饭混入咗虾米、腊味同鸡翼本身嘅鸡肉，咬落烟韧带脆，油香丰润，每人半只嘅份量极之恰当。炒杂菌：炒杂菌惹味软腍。椒盐排骨：炸至金黄嘅椒盐排骨外层香脆，肉质松爽，送酒一流！焗酿蟹盖：焗酿蟹盖鲜浓有嚼口。鸡脚白肺汤：呈奶白色嘅猪肺汤甜润滋补，暖胃非常，汤料中嘅猪肺洗得好干净，食落仲好腍滑。冬菜蒸沙巴老虎斑：旁边嘅长辈夹第一件时已经俾XO仔见