影片
更多
2024-04-11
1927 浏览
2024年3月26日 星期二终于可以迎接复活假期，今晚决定同屋企人一齐出街食饭食好啲，所以就出咗去佐敦新新酒楼食饭一上到去餐厅就已经见到有唔少客人，差唔多坐满晒全场，好彩去到嘅时候仲有一张枱够我哋四个人坐，虽然枱与枱之间比较迫，不过总算都坐得舒适餐厅晚餐提供几款唔同人数既全包宴，包晒茶芥同加一，而且仲包含唔少菜式添，为咗唔想嘥时间谂食乜，所以就决定要咗个晚饭A餐等咗一阵食物就开始陆续送上，首先有怀旧金钱鸡，已经冇乜地方可以食到，因为步骤比较繁复，好多师傅都已经唔识整，呢一间餐厅竟然仲有提供，所以真系好惊喜，金钱鸡其实将叉烧、鸡润同肥猪肉夹埋一齐，口感好丰富，完全冇油腻嘅感觉，几款配料互相配合，食落好香口之后有蒜香脆皮烧鸡，鸡皮烧得好香脆，鸡油炸晒出嚟，所以食落去唔油腻，而且鸡肉好嫩滑，加埋炸蒜一齐食就更加滋味然后分别有碧绿炒龙趸球同清蒸龙趸头腩，将龙趸分为两食各有各特色，但两种唔同既烹调方法都令龙趸肉仍然保持嫩滑，一啲都唔韧，个人比较喜欢炒龙趸球，因为咬落去啖啖肉，完全无骨，可以好放心咁去食再黎系上汤加拿大龙虾伊面，龙虾既份量都唔少，起油完再同伊面煮埋一齐再加上汤，令到伊面吸收晒龙虾同
终于可以迎接复活假期，今晚决定同屋企人一齐出街食饭食好啲，所以就出咗去佐敦新新酒楼食饭
一上到去餐厅就已经见到有唔少客人，差唔多坐满晒全场，好彩去到嘅时候仲有一张枱够我哋四个人坐，虽然枱与枱之间比较迫，不过总算都坐得舒适
餐厅晚餐提供几款唔同人数既全包宴，包晒茶芥同加一，而且仲包含唔少菜式添，为咗唔想嘥时间谂食乜，所以就决定要咗个晚饭A餐
等咗一阵食物就开始陆续送上，首先有怀旧金钱鸡，已经冇乜地方可以食到，因为步骤比较繁复，好多师傅都已经唔识整，呢一间餐厅竟然仲有提供，所以真系好惊喜，金钱鸡其实将叉烧、鸡润同肥猪肉夹埋一齐，口感好丰富，完全冇油腻嘅感觉，几款配料互相配合，食落好香口
之后有蒜香脆皮烧鸡，鸡皮烧得好香脆，鸡油炸晒出嚟，所以食落去唔油腻，而且鸡肉好嫩滑，加埋炸蒜一齐食就更加滋味
然后分别有碧绿炒龙趸球同清蒸龙趸头腩，将龙趸分为两食各有各特色，但两种唔同既烹调方法都令龙趸肉仍然保持嫩滑，一啲都唔韧，个人比较喜欢炒龙趸球，因为咬落去啖啖肉，完全无骨，可以好放心咁去食
再黎系上汤加拿大龙虾伊面，龙虾既份量都唔少，起油完再同伊面煮埋一齐再加上汤，令到伊面吸收晒龙虾同上汤既味道，加上师傅已经帮龙虾斩左件，食起上嚟几方便，有几旧龙虾仲无壳啖啖肉添
呢个系竹笙海皇烩燕窝，果然系落足料，每一啖都食到竹笙粒同唔同嘅海鲜，一啲都唔稀，味道啱啱好又唔会太咸
跟住有瑶柱蛋白炒饭，份量足够四个人食，够晒镬气，而且饭粒炒得好分明，都好够干身，啖啖都食到瑶柱丝同蛋白丝
最后有蒸蟠桃，细细粒几精致，里面系莲蓉馅，个包唔会太大，啱晒作为甜品，食埋真系好饱！！
张贴
