影片
更多
2011-04-22
287 浏览
平时同事间请食蛋糕唔系美心，就圣安娜或东海堂，今次同事呆兄收到封大利事，二话不说静静鸡晌龙岛买咗盒件装蛋糕返嚟请大家食，真系多谢晒呆兄喇！呆兄精心拣咗4款件装蛋糕，分别有朱古力软心件装蛋糕、芒果千层件装蛋糕、比利时纯朱古力软芝士件装蛋糕、蓝莓焗芝士件装蛋糕，款款都系$24。近年好多朱古力过江龙相继在港抢滩，老牌本土朱古力品牌「龙岛」依然顶得住，相信实力都相当，话说「龙岛」都应该有成30多年历史，发展至今，晌佢铺头都见佢推出唔少产品，朱古力、蛋糕、曲奇及其他烘焙产品。价格属中上，所以$24一件件装蛋糕，价位都差唔多架啦！小弟拣咗朱古力软心蛋糕，佢都应该属于龙岛朱古力蛋糕嘅经典之作，一层朱古力海绵蛋糕，叠一层朱古力软心，来来回回蛋糕、软心、蛋糕、软心共6层，讲就系咁简单，食落就见识到佢嘅经典。朱古力海绵蛋糕松软，而朱古力软心系一层柔软嘅纯朱古力，因为唔系慕丝嚟，唔好谂住系好滑流个只，口感大概似系雪冻嘅朱古力浆咁，初时望落去仲以为系硬实实，原来系错觉！味道就朱古力味颇香浓，唔太甜；翻睇佢个网页，都相信佢所讲：「我们的朱古力及蛋糕大师选用最优质的比利时朱古力及食材……皇牌产品朱古力蛋糕及芝士蛋
呆兄精心拣咗4款件装蛋糕，分别有朱古力软心件装蛋糕、芒果千层件装蛋糕、比利时纯朱古力软芝士件装蛋糕、蓝莓焗芝士件装蛋糕，款款都系$24。近年好多朱古力过江龙相继在港抢滩，老牌本土朱古力品牌「龙岛」依然顶得住，相信实力都相当，话说「龙岛」都应该有成30多年历史，发展至今，晌佢铺头都见佢推出唔少产品，朱古力、蛋糕、曲奇及其他烘焙产品。价格属中上，所以$24一件件装蛋糕，价位都差唔多架啦！
小弟拣咗朱古力软心蛋糕，佢都应该属于龙岛朱古力蛋糕嘅经典之作，一层朱古力海绵蛋糕，叠一层朱古力软心，来来回回蛋糕、软心、蛋糕、软心共6层，讲就系咁简单，食落就见识到佢嘅经典。朱古力海绵蛋糕松软，而朱古力软心系一层柔软嘅纯朱古力，因为唔系慕丝嚟，唔好谂住系好滑流个只，口感大概似系雪冻嘅朱古力浆咁，初时望落去仲以为系硬实实，原来系错觉！味道就朱古力味颇香浓，唔太甜；翻睇佢个网页，都相信佢所讲：「我们的朱古力及蛋糕大师选用最优质的比利时朱古力及食材……皇牌产品朱古力蛋糕及芝士蛋糕用上最优质的食材每天新鲜制作……」，要评分就笑与OK之间，讲唔上好惊喜，但又确系唔错，所以，卖$24，绝对试得过。
其他三款未有试，亦无问食咗嘅同事，抱歉，未有食评意见！
张贴
