雲南風味 (已結業)

中秋的大鱼大肉过后，想食啲清淡啲的野，我决定去食面，但系又唔想太普通所以去食云南米线。系间故色故香的舖头我一定要食啲经典的野，佢地有个过桥米线，佢一来就有几碟配料，一碗煮好咗的面同一碗好热的汤；个伙计用好熟练的手势将啲面同配料好快咁放咗落个热汤到，用汤的热力将啲配料正熟；食果阵啲配刚刚熟，味道好清新又爽脆，啲面就比啲汤番热咗，仲系好Ｑ，好好味。佢有佢地的红油炒手同汤云吞都好好食。红油炒手比一般辣啲，因为佢地系正宗的云南菜吗，啲云吞个皮好薄给收咗个辣汁，食落去辣到出汗；所以要encore，不过今次唔系辣系清汤，但系个清汤就无乜特别，都系个云吞好食。呢到有好多特色的小食，今次先来试下炸臭豆腐同炸鱼腐。个炸臭豆腐系一口一个，佢又无乜臭豆腐味，但系有樽南乳比你点，个味道就变得好特别，有咸香味。个炸鱼腐的食味好出，炸咗又好香好，赞。有机会我会再来食，因为佢仲有啲用羊做的食品，冬天食就最啱。