昌哥粵菜館

营业中

休息中

非常出色的老派经典粤菜真系唔系咁多地方可以食到咁正宗嘅味道。菜胆杏汁白肺汤，个杏汁唔系用杏仁粉开，唔会有好假嘅杏仁味，猪肺同埋菜胆煲到好似融入咗个杏汁汤底入面，非常和味。煎酿鲮鱼绝对系花功夫嘅怀旧菜式，开咗条鲮鱼攞晒啲肉出嚟搅碎然后让返入去个鱼身度，少啲功架都搞唔掂，点埋佢𠮶个秘制酱汁味道更加出色。腊味煲仔饭真系唔能够睇少，啲腊肠同埋润肠非常靓，润肠有微微嘅酒香真系好正，啲腊肉更加出色，肥瘦分明，食到脂肪部分嘅油香又食到瘦肉部分嘅咸香。最后个绿豆沙用嘅臭草令到成碗糖水嘅味道大大提升，昌哥嘅功架果然名不虚传。