勝記酒家 (已結業)

今次试左新开既酒家-胜记，连同餐牌同配碟既设计都好有喜庆吉祥既感觉。烧乳猪系呢到既名菜，而且又有优惠，黎到一定要叫返碟试下。半只乳猪上枱了，猪皮烤到好香脆，火喉掌握得唔错，猪肉好嫩口弹牙。呢碟系酒楼姐姐介绍的，小炒皇几乎间间餐厅煮既味道都唔不一样，呢到既小炒皇系好得我心既，亦非常推介俾大家。韮菜甜又无渣，落了炸芋丝，增加口感，另外又落了炸菜，令味道多了层次，最正系落了带子，带子鲜甜惹味。呢道菜焗鱼肠一样，只系变左用煎蚝饼既方式整，比起平时食焗鱼肠，我更喜欢呢个煮法，鱼肠好惹味，煎完更香口，一定要加胡椒粉食。唔知叫咩好，于是叫了个金菇肥牛粉丝煲，好耐无食，味道不错，好够火喉，肥牛份量超多，又几嫩口，拎黎捞饭一流。