Main St. Deli (已結業)

见到呢度有好多蛋糕选择，特登约咗朋友嚟呢度试吓。前菜叫左两样，分别系水牛城鸡翼，同埋蟹饼。鸡翼个酱汁几好食。但我更钟意个蟹饼，虽然望落去份量唔算好大，但系系真材实料入边全部都系蟹肉，加埋啲千岛酱又开胃又夹。黎美式餐厅唔少得嘅梗系叫汉堡包。汉堡包有好多款，但其实都系睇你想要咩料系入边。我哋就拣咗最经典嘅烟肉芝士汉堡。一嚟到份量都几大，仲要好细心咁帮我地切开咗四块。可能因为汉堡包太厚所以啲蕃茄生菜同烟肉都放左系侧边，食𠮶阵要将佢放返入去，有少少唔方便。面包松软，汉堡肉厚身又有汁，唔会过熟，几好味。最后就系我哋期待左好耐嘅甜品时间。蛋糕有好多款，件件都好大件。我哋叫左呢度最出名嘅芝士蛋糕。芝士蛋糕好大件，可以见到佢仲高身过个牙签筒。蛋糕芝士味好重又香滑，饼底牛油味好香，非常好味。