威利華餐廳

营业中

休息中

系东区打趸既我，问我边间茶记系必食，我一定首推威利华！净系睇佢门口都知佢够哂传统，但唔代表佢唔识与时并进，佢都有泡茶大碗饭，日式拉面食架，十分过瘾！呢间餐厅长期爆场，净系做早午同下午茶，无晚市，所以大家要留意！今次介绍下佢既午餐，叫左呢个猪颈肉菜饭，套餐本身跟杯茶啡，虽然佢个特制豉油汁已经相当不错，但绝对比唔上佢个咖哩汁，港式咖哩既香辣加上椰奶香味配上烧到恰到好处既猪颈肉，绝配！记信！呢个系餐牌上无列明，正常系会跟豉油汁要客人request先会upgrade！猪颈肉用既系靓猪，无乜肥膏！烧到表面稍香但又能锁住肉汁，师傅够哂功力！菜饭方面，无渣流摊，用既系菜软，饭底又够干身，正，推荐呀如果唔想食猪颈肉，同一个价钱可以改为吉猪或者鸡扒个类，都好抵食架！至于杯热柠茶都无令我失望，茶底香浓，柠檬新鲜精神又爽利！随post附上最近两次食过既午餐