樓下冰室 (已結業)

呢间冰室位于热门揾食地方，荃湾嘅路德围。𠮶边附近唔系茶餐厅，就系台式饮品小食店。如果口痕想普通食个常餐，呢间舖头系唔错嘅选择。 我就叫咗呢间餐厅最出名嘅蕃茄面常餐，有蕃茄出前一丁、滑蛋、瑞士鸡髀，以及一杯冻奶茶。 老实讲野食都几老土，但如果想食好味嘅常餐呢到系唔错嘅选择。蕃茄出前一丁唔会太酸，仲可以有小中大辣选择，辣辣地几野味。 然后讲吓啲配菜，啲蛋都几滑，好似落咗啲牛油咁。然后就系有一卖点嘅瑞士鸡髀，好少常餐会配咁大只鸡髀，平时都系沙嗲牛肠仔，呢只鸡髀两个餐饱肚好多。最紧要系只鸡皮几滑身，甜度啱啱好，唔会太老太难咬。 最后杯冻奶茶就有少少失望，第一次嚟饮就好甜，今次少甜又太淡，夜饮就有少少麻麻啦。但埋单50几蚊都唔错！