金鳳大餐廳 (新都城中心三期)

营业中

休息中

今日响新都城见到，朋友记起佢哋嘅经典铁板牛扒加特蒜蓉，话好耐冇食过，要入去食个午餐回味下。餐厅装潢一般茶餐厅格局，梳化椅卡位，坐得舒适又阔落。餐牌选择以各式铁板牛扒或肉类为主，仲有焗饭、咖哩饭及小食等，价钱合理。餐汤系忌廉汤及罗宋汤，保持一贯水准，白汤香甜creamy，红汤材料多又煲到入晒味。港式餐包热辣辣好软熟，加埋牛油一齐食，劲正👍。带子牛柳餐 $178.- 另加蒜蓉 $2.-带子大只厚身，煎至外焦内嫩，两件大牛柳份量十足，七成熟成度啱啱好，肉味重有嚼劲，特加蒜蓉及蒜蓉汁铺满牛柳，啖啖肉又劲香口🥰，配菜有劲多粗薯条、甘笋及翠玉瓜，真系食得好满足。皇牌焗猪扒饭 $82.- 转套餐加$25.- 猪扒同样大件又厚肉，肉质紧致无筋，炒饭底带阵阵蛋香味，加上香浓嘅蕃茄酱汁，捞埋饭一齐食味道香甜又醒胃😋。食物份量劲多，朋友话食物保持水准，经典味道十年如一，食完后好满足😍。