龍門冰室 (已結業)

系港岛要揾间平靓正既餐厅真系有难度架，今次系time square后面果条街俾我揾到间平民冰室，价钱够晒贴地。一入到去听到好多经典广东歌，D童年回忆返返晒来～来到冰室点可以唔叫经典铁板餐？呢到既铁板餐有好多选择，岩晒Ｄ食肉兽啊！每个餐会跟汤，西汤够足料。美式杂扒（猪扒﹑肠仔﹑烟肉﹑煎蛋）($90)大大份铁板餐，烧汁味道唔错，猪扒金黄香脆，其他肠仔烟肉都好足料，再加埋意粉食到好饱～爵士西冷扒拼香草肠 ($95)西冷扒唔会太老，冇咩雪藏味，算高质，另外香草肠食得出唔系cheap cheap果只，几好味！加埋薯菜劲满足，而且侍应仲好贴心咁问要唔要茄汁，加分！至于呢到既饮品都几有特色，我地分别叫左杏仁露同菠萝冰，前者好浓杏仁味饮落好滋润够养生，后者同出面饮既菠萝冰有Ｄ分别，味道独特。