翠華餐廳 (已結業)

次次有friend嚟香港，都会先带佢地嚟试下翠华，虽然味道对于我地嚟讲一般，不过话晒翠华餐厅都系经典之中嘅经典，系应该要嚟食翻餐！一入去服务员会好热情咁同我地打招呼，问我地几多位，然后再尽快帮我地安排位置。每张台上边都有menu，价钱系可以接受嘅范围入面。店入面嘅饮品只可以少冰，冰系比较碎嘅细冰粒，不过唔会好易化，鸳鸯奶茶嘅味道唔会好浓郁，不过甜度都ok~~因为个friend系四川人，习惯食辣，所以佢点咗份麻辣米线，我就点咗云吞面。对我地两个女仔嚟讲麺嘅份量绝对够食，不过米线嘅辣味唔会好犀利~~不过米线表面嘅一层辣油见到都流晒口水啦。云吞面，麺上面仲有啲韭黄同虾籽，麺好软熟，汤底味道唔错。一人一碗麺一杯鸳鸯，两个人消费咗130蚊左右。