牛角日本燒肉專門店 (東港城)

营业中

休息中

今日去開東港城，唸住試吓未試過嘅餐廳，行哂成個商場最後都係揀左經常幫襯嘅牛角。買過外賣無數次，宜家疫情好左，外賣無之前6折咁抵。叫左兩個外賣兩個都係醬燒牛腹胸飯，其中一個走蔥。$72一個，金會員85折、銀會員9折。9折左大概$65一個，連汽水、茶或者支裝水。醬燒牛腹胸飯香口過另外個牛肉飯，應該係溫泉玉子蒜香牛肉飯。有紫菜碎再加埋醬汁撈飯一流！可能太開胃，略嫌份量有啲細，唔係好夠食。店員都好有禮貌，會繼續幫襯外賣。堂食就有啲難，店舖較細，尤其係weekend排隊等位好耐，一早㩒定飛會好啲。