影片
更多
2023-10-10
43 浏览
餐厅超近大围火车站，行1分钟都唔使就到啦😂 经过见到门口好多人排队等堂食，连外卖自取嘅人都好多，所以就拣咗呢间😂 餐牌图文并茂，嘢食选择好多，我哋试咗越南最基本嘅汤河同捞檬，食食下见到隔篱枱叫咗个蒜蓉包，卖相好吸引，决定下次要再嚟食😂 🔸顺化猪肉卷汤河汤底好深色，味道几浓郁，饮落唔系用粉沟出嚟𠮶种公仔面味精汤😂 猪肉卷切咗一半，份量唔少，有啲浸咗喺汤里面，口感几烟韧🔸越式猪颈肉捞檬我自己钟意捞檬多啲，每张枱都有壶鱼露酸甜汁，想食几多就自己落，天气咁热食捞檬真系无得弹，唔会食到成额汗😂 猪颈肉调味几好，都煎得够香脆👍🏻🔸越式炸春卷春卷馅料几丰富，有肉碎、红萝卜丝同木耳丝，咬落个口感几好，春卷个皮仲系脆嘅，唔会觉得好油笠笠👍🏻🔸越式炸虾饼虾饼几弹牙，每张枱都有几款酱汁比你自己拣，我拣咗辣椒酱，只系微辣，配虾饼食几过瘾，唔会盖咗虾饼嘅味，又唔会辣到个嘴仔无晒知觉😂🔸青柠梳打🔸鲜芒果西米露饮品都好refreshing，我见左右两枱都叫咗青柠梳打😂 西米露面头有啲新鲜芒果粒，杯底有唔少西米露，有啲嘢啜下几开心😝
餐厅超近大围火车站，行1分钟都唔使就到啦😂 经过见到门口好多人排队等堂食，连外卖自取嘅人都好多，所以就拣咗呢间😂 餐牌图文并茂，嘢食选择好多，我哋试咗越南最基本嘅汤河同捞檬，食食下见到隔篱枱叫咗个蒜蓉包，卖相好吸引，决定下次要再嚟食😂
🔸顺化猪肉卷汤河
汤底好深色，味道几浓郁，饮落唔系用粉沟出嚟𠮶种公仔面味精汤😂 猪肉卷切咗一半，份量唔少，有啲浸咗喺汤里面，口感几烟韧
🔸越式猪颈肉捞檬
我自己钟意捞檬多啲，每张枱都有壶鱼露酸甜汁，想食几多就自己落，天气咁热食捞檬真系无得弹，唔会食到成额汗😂
猪颈肉调味几好，都煎得够香脆👍🏻
🔸越式炸春卷
春卷馅料几丰富，有肉碎、红萝卜丝同木耳丝，咬落个口感几好，春卷个皮仲系脆嘅，唔会觉得好油笠笠👍🏻
🔸越式炸虾饼
虾饼几弹牙，每张枱都有几款酱汁比你自己拣，我拣咗辣椒酱，只系微辣，配虾饼食几过瘾，唔会盖咗虾饼嘅味，又唔会辣到个嘴仔无晒知觉😂
🔸青柠梳打
🔸鲜芒果西米露
饮品都好refreshing，我见左右两枱都叫咗青柠梳打😂
西米露面头有啲新鲜芒果粒，杯底有唔少西米露，有啲嘢啜下几开心😝
张贴
