又一戟 (已結業)

每次嚟到葵涌广场都会见到呢间卖班戟嘅铺头大排长龙,之前我见太多人所以冇去买嚟食,但今次因为我未食lunch,正在揾野食既一刻,咁岩又见呢度小左d人排队,就忍唔住冲左去买班戟,睇下有几好味!呢度有分咸同甜嘅班戟卖,我见到甜嘅班戟个样都几靓,又有雪糕食好吸引!!但我想食咸班戟多d,所以喺咁多款咸班戟当中,我拣咗粟米蟹柳紫菜班戟,佢哋即叫即做,见到舖头后面有好多人不停手咁整班戟!!其实我都唔系等咗好耐,我就已经可以食!!班戟真系好香, 闻到一阵蛋味,仲热辣辣添,不过外表就冇我想像中咁靓, 班戟比较扁,不过入面嘅馅绝对唔少,我咬落去嘅每一啖都充满著紫菜,蟹柳同粟米,真系好好食!!可能我太肚饿喇,唔使五分钟已经食晒!!咁好味的班戟下次我再嚟呢度shopping一定会再嚟帮衬!!