南亞餐廳1964 (已結業)

餐厅已在港经营数十载，品牌及经验得来不易。位于尖沙咀亚士厘道，一直都吸引不少上班族黎午膳。1664 Blanc ($78/pint): 买二送一又几抵饮，1664本身味道比较清爽带果香，麦味又唔会太浓，都几好饮。沙嗲串烧 (鸡&牛): 半打都只系七八十蚊，烧得几惹味，又有肉汁，最重要系加埋秘制渗嗲酱，香甜得黎又有椰香，好夹。店员极为推介烧乳猪，仲话系招牌菜式。首先，猪皮并唔系脆皮，内里既肉就当然好幼嫩啦，仲连住啲脂肪，滑上加滑，肉味适中但就唔会太浓，整体okay仲有咖喱牛尾煲，牛尾炆到非常软腍，带一丝丝既质感，好易切开，仲有啲似牛腩，连肉味都似似地，几好。另外仲有蒜蓉包可沾惹味既咖喱汁一齐食。