點點心

营业中

休息中

呢一间点心店屹立咗喺佐敦好多年，因为以前都系住佐敦，系经常帮衬呢一间点心舖，可以话系陪住我成长，睇住佢经历咗几次转手，但系食物都依然保持到水准，服务态度转咁多次人都可以永远保持咁嘅水平，啲侍应永远都系呼呼喝喝，每一次要求想坐一张大少少，但冇人坐嘅枱，啲侍应呢都要你好极力争取先至会比枱你，但系其实间店系有好多位，食物系依旧保持到水准嘅，所以都系我仍然钟意系呢一度食嘢嘅原因烧汁酿茄子，份量十足，茄子非常之大只，配上大大件鱼肉，净系卖相都好吸引，较过嘅烧汁甜甜地，而且冇炸嘅咁油腻，因为系烧嘅仲保持到好多水份，原本好想试埋个酿尖椒，但系食唔落咁多鲜虾脆皮肠，呢个脆皮肠系做到好脆身，但系佢嘅肠粉系好软滑，个口感系好有层次，第一口系软绵绵嘅肠粉再食落去，系脆卜卜嘅皮，再包住咗一浸嘅鲜虾，口感丰富奶黄猪仔包系我次次都点啊，因为个卖相真系好得意，啱晒小朋友嘅我，次次都会笃穿佢个鼻，流沙系好香滑，又甜又软绵绵，影相都好靓椒盐鱿鱼须，个粉浆太厚，鱿鱼好细条，食落去好油腻，虽然呢一间店位置唔太起眼，系一个旧区入边，但系都充满着旧香港情怀，骤眼睇都好多游客过嚟食，希望佢嘅服务生态度可以有所改善，继续屹立喺佐敦