稻香超級漁港 (已結業)

好耐都冇去九龙湾稻香，今日一家三口嚟饮下午茶，来得就要有心理准备，因为每次都好多人帮衬,所以预咗用一个小时等位，今次都唔例外。这店比同区嘅酒楼实惠，款式选择又多，味道方面，你话好好食又唔系，不过按这个价钱来计，质素算是合格。酥皮叉烧餐包，外皮香脆，包够松软，不过上枱时已冻了，味道即时大打折扣。麻香杏汁包，包皮质感好腍又糊口，杏汁太稀冇乜杏仁香，味道偏甜得来有药水味。鸳鸯双潮即系粉果同虾饺，外皮算烟韧，虾饺馅料味道ok,虾肉尚算弹牙。粉果馅料调味太咸，味道一般。沙姜鸡饭，鸡肉嫩滑，味道刚好，唔会过咸，可惜饭加水太多，煮得太烂，口感嘛嘛。香滑净肠粉，质感有些糊口，不过尚算滑溜。果仁奶皇水晶饼，外皮做得唔烟韧，奶皇馅过甜，果仁又太少，卖相差，味道更差。这餐承惠$104.5，虽然味道一般，胜在价钱平，我同家人会继续帮衬。