逸月軒

营业中

休息中

放假出嚟荃湾买冻肉，咁就顺便同屋企人饮茶。平时都会经过呢个商场，好少上嚟饮茶，咁既然未试过就拣呢间啦。依家下午茶真系好多选择，除咗选择多之外，仲要性价比几高。但唯独有一样嘢真系要改善就系部长嘅应对能力真系需要改善。先讲讲啲食物先无论系虾饺虾肠同埋福建炒饭啲虾肉都好爽，又大粒。个小笼包都好多汁，同埋个汤汁好特别唔知点形容同出边𠮶啲小笼包系有少少分别嘅，当然系好食嘅分别啦。另外烧腩卷都唔算好肥。个萝卜丝酥里面有啲溶咗嘅芝士，咬落去都几多汁，冇想像中咁热气。综观嚟讲比较差就系最后个皮蛋瘦肉粥，食到只底嘅时候发现有只小飞飞。其实都食到底都唔系要换，纯粹系想反映返个意见比个部长知。佢话呢啲小飞飞唔会自己跌落去，可能系佢哋间场嘅时候郁到啲板，跌咗落碗粥𠮶度个部长讲得呢个藉口嘅话，未清场之前郁啲趟板啦，如果我系啲麻烦嘅客，呢个解释真系解得通咩。题外话佢个外卖烧味烧鸡拼烧鹅都几抵玩，两样嘢夹埋都系大概$200。除咗小飞飞，其实其他整体都可以接受。